એક મહિલા તેની ફાંદને કારણે કમાય છે લાખો રૂપિયા, આ કામ માટે એક મીનિટના એક હજાર લે છે!
આજના સમયમાં નોકરી મેળવવી ભલે અઘરી હોય, પરંતુ પૈસા કમાવવા ખૂબ જ સરળ છે. બસ લોકોને ખબર હોવી જોઈએ કે કેવી રીતે કમાવું. પૈસા કમાવવાના ઘણા રસ્તાઓ છે.
આજના સમયમાં નોકરી મેળવવી ભલે અઘરી હોય, પરંતુ પૈસા કમાવવા ખૂબ જ સરળ છે. બસ લોકોને ખબર હોવી જોઈએ કે કેવી રીતે કમાવું. પૈસા કમાવવાના ઘણા રસ્તાઓ છે, જે સાંભળવામાં ખૂબ જ વિચિત્ર લાગે છે, પરંતુ જેમ કહેવાય છે ને કે ગંદો છે પણ તે એક ધંધો છે. પૈસા કમાવવાનું કામ ગમે તેટલું વિચિત્ર લાગે પરંતુ લોકોની જરૂરિયાતો જ પૂરી કરે છે. આવું જ એક કામ ઈંગ્લેન્ડની મહિલા કરી રહી છે. તે કેમેરાની સામે ખાવાનું ખાઈને પૈસા કમાઈ રહી છે.
ખાવાનું ખાઓ અને વીડિયો બનાવો
તમારા મનમાં આ સવાલ ઉઠશે કે વ્યક્તિ ભોજન કરીને પૈસા કેવી રીતે કમાઈ શકે છે. વાસ્તવમાં, અમે જે મહિલા વિશે વાત કરી રહ્યા છીએ તેનું એકાઉન્ટ જોવા લોકો પૈસા ચૂકવે છે. ડેઈલી સ્ટારના અહેવાલ મુજબ, ઉત્તર-પશ્ચિમ ઈંગ્લેન્ડની રહેવાસી 25 વર્ષીય એન્ટોનિયા ગ્રેહામ દર મહિને 10 લાખ રૂપિયાની કમાણી કરે છે. તે આ કમાણી માત્ર ખાવાથી જ કરે છે.
ખાતા ખાતા વીડિયો બનાવે છે
રિપોર્ટ અનુસાર એન્ટોનિયોના ફેન્સને તેનું ફેટ બોડી ખૂબ જ પસંદ છે. તેમને ખાવાનું ખાતા જોવા માટે તેઓ હજારો રૂપિયા આપે છે. આ કારણે એન્ટોનિયો પોતાના વજનની સાથે પેટ પણ વધારી રહ્યી છે. 3 બાળકોની માતા એન્ટોનિયો લાંબા સમયથી જાડી હતી અને લોકો સોશિયલ મીડિયા પર તેની મજાક ઉડાવતા હતા. પરંતુ ગયા વર્ષે જ્યારે ટિકટોક પર તેનો એક વીડિયો વાયરલ થયો હતો, જેમાં તે તેની સ્થૂળતાની મજાક ઉડાવી રહી હતી, ત્યારે તે વીડિયો પર કોમેન્ટ કરનાર એક વ્યક્તિએ તેને વિચાર આપ્યો કે તે ખાવાની સાથે વીડિયો બનાવીને પૈસા કમાઈ શકે છે.
1 મિનિટના વીડિયો માટે 1000 લે છે
સંશોધન કર્યા પછી એન્ટોનિયોને ખબર પડી કે તેને ફીડરિઝમ કહેવાય છે. સ્થૂળતા વિશે આ એક પ્રકારનું વળગણ છે જે મનુષ્યની અંદર જન્મે છે. આમાં લોકો કોઈને ખાવાનું ખાતા જોવાનું પસંદ કરે છે. લોકોના આ ક્રેઝનો ફાયદો ઉઠાવીને એન્ટોનિયો હવે મહિને લાખો રૂપિયાની કમાણી કરી રહ્યી છે. તે 1 દિવસમાં 3000 કેલરી લે છે અને એક મિનિટના વીડિયો માટે 1000 રૂપિયા સુધીનો ચાર્જ લે છે. આ સિવાય તે માત્ર સોમવાર અને શુક્રવારે જ કામ કરે છે. એન્ટોનિયોએ પોતાની સ્થૂળતા અને પેટને જાળવવા હજારો રૂપિયા ખાવા પાછળ ખર્ચવા પડે છે. તે જાણે છે કે વધુ ખાવાથી તેના શરીર પર ખરાબ અસર પડશે, પરંતુ તે તેના શરીર અને તેના કામને ખૂબ પ્રેમ કરે છે.