Afghanistan Earthquake: અફઘાનિસ્તાનમાં ભૂકંપના કારણે 2000 લોકોના મોત, તાલિબાને આપી જાણકારી
Afghanistan Earthquake: તાલિબાનના એક પ્રવક્તા દ્વારા રવિવારના રોજ જણાવવામાં આવ્યું હતું કે, પશ્ચિમ અફઘાનિસ્તાનમાં આવેલા શક્તિશાળી ભૂકંપના કારણે મૃત્યુ પામનારા લોકોનો આંક 2000થી વધુ છે. આ ભૂકંપ છેલ્લા અફઘાનિસ્તાનમાં આવેલા ભૂકંપોમાં સૌથી શક્તિશાળી ભૂકંપમાંથી એક છે.
અફઘાનિસ્તાનની નેશનલ ડિઝાસ્ટર ઓથોરિટીએ જણાવ્યું હતું કે, શનિવારના રોજ પશ્ચિમ અફઘાનિસ્તાનમાં 6.3-તીવ્રતાનો શક્તિશાળી ભૂકંપ અને જે બાદના આફ્ટરશોક્સમાં સેંકડો લોકો માર્યા ગયા હતા.
તાલિબાનના માહિતી અને સંસ્કૃતિ મંત્રાલયના પ્રવક્તા અબ્દુલ વાહિદ રાયને જણાવ્યું હતું કે, હેરાતમાં આવેલા ભૂકંપમાં મૃત્યુઆંક ઘણો વધારે હોવાનું જાણવા મળ્યું હતું. લગભગ છ ગામો નાશ પામ્યા છે અને સેંકડો નાગરિકો કાટમાળ નીચે દટાયા છે, તેમણે તાત્કાલિક મદદની અપીલ કરતાં જણાવ્યું હતું.
યુનાઈટેડ નેશન્સે 320 મૃતકોનો પ્રારંભિક આંકડો આપ્યો હતો, પરંતુ બાદમાં જણાવ્યું હતું કે, આ આંકડો હજુ પણ પુષ્ટિ મળી રહ્યો છે.
માનવતાવાદી બાબતોના સંકલન માટે સંયુક્ત રાષ્ટ્રના કાર્યાલયના સમાન અપડેટ અનુસાર, સ્થાનિક સત્તાવાળાઓએ અંદાજિત 100 લોકો માર્યા ગયા અને 500 ઘાયલ થયા હતા.
આ સાથે એક અપડેટમાં એમ પણ કહેવામાં આવ્યું છે કે, ભૂકંપને કારણે 465 મકાનો નાશ પામ્યા છે અને 135 અન્યને નુકસાન થયું છે.
યુનાઈટેડ નેશન્સે જણાવ્યું હતું કે, પાર્ટનર્સ અને સ્થાનિક સત્તાવાળાઓને વધતી જાનહાનિનો ડર છે. કારણ કે, તૂટેલી ઈમારતો નીચે કેટલાક લોકો ફસાયા હોવાના અહેવાલો વચ્ચે શોધ અને બચાવ પ્રયાસો ચાલુ છે.
ડિઝાસ્ટર ઓથોરિટીના પ્રવક્તા મોહમ્મદ અબ્દુલ્લા જાને જણાવ્યું હતું કે, હેરાત પ્રાંતના ઝેંદા જાન જિલ્લાના ચાર ગામો ભૂકંપ અને આફ્ટરશોક્સથી સૌથી વધુ પ્રભાવિત થયા છે.
યુનાઇટેડ સ્ટેટ્સ જિયોલોજિકલ સર્વેએ જણાવ્યું હતું કે, ભૂકંપનું કેન્દ્ર હેરાત શહેરથી ઉત્તર-પશ્ચિમમાં લગભગ 40 કિલોમીટર (25 માઇલ) દૂર હતું. જે બાદ ત્રણ ખૂબ જ મજબૂત આફ્ટરશોક્સ આવ્યા, જેની તીવ્રતા 6.3, 5.9 અને 5.5 હતી. ઘણા વધુ નાના આફ્ટરશોક્સ અનુભવાયા હતા.
Click it and Unblock the Notifications
Sign in with Google
