કોરોનાને કારણે અમેરિકામાં બીજા વિશ્વયુદ્ધ બાદ સરેરાશ ઉંમરમાં નોંધાયો મોટો ઘટાડો

મહાસત્તા કહેવાતા અમેરિકા કોરોના વાયરસના સંક્રમણને કારણે ખરાબ પરિસ્થિતિમાંથી પસાર થઇ રહ્યું છે. અમેરિકામાં કોરોનાકાળમાં થયેલા મોતને કારણે સરેરાશ આયુષ્ય દરમાં ધરખમ ઘટાડો નોંધાયો છે. બીજા વિશ્વયુદ્ધ બાદ સૌપ્રથમ અમેરિકામાં સ

અમેરિકા : મહાસત્તા કહેવાતા અમેરિકા કોરોના વાયરસના સંક્રમણને કારણે ખરાબ પરિસ્થિતિમાંથી પસાર થઇ રહ્યું છે. અમેરિકામાં કોરોનાકાળમાં થયેલા મોતને કારણે સરેરાશ આયુષ્ય દરમાં ધરખમ ઘટાડો નોંધાયો છે. બીજા વિશ્વયુદ્ધ બાદ સૌપ્રથમ અમેરિકામાં સરેરાશ આયુષ્ય દરમાં આટલો મોટો ઘટાડો નોંધાયો છે. USAના આરોગ્ય વિભાગ દ્વારા જણાવવામાં આવ્યું હતું કે, સરેરાશ આયુષ્ય દરમાં ઘટાડો થવા પાછળ 74 ટકા કોરોના સંક્રમણ જવાબદાર છે. ગત વર્ષે અમેરિકામાં 33 લાખ લોકોના મોત નીપજ્યા હતા. જેમાંથી 11 ટકા મોત કોરોનાને કારણે થયા છે. USAના આરોગ્ય અધિકારીઓના જણાવ્યા મુજબ ગત ઘણા વર્ષોમાં દેશમાં આટલી મોટી સંખ્યામાં મોત થયા નથી.

આયુષ્ય દરમાં આ ઘટાડો જોખમી

અશ્વેત અમેરિકનોની જીવનશૈલી વિશે વાત કરતા અમેરિકાના આરોગ્ય અધિકારીઓ જણાવે છે કે, 1930માં આવેલી મહામંદી બાદ કોઇ મોટો ઘટાડો નોંધાયો નથી. આ સિવાય શ્વેત અમેરિકનો બાબતે આરોગ્ય વિભાગ જણાવે છે કે, 2020 એ પહેલું વર્ષ રહ્યું છે કે, એક વર્ષમાં સરેરાશ આયુષ્ય દરમાં આટલો મોટો ઘટાડો નોંધાયો છે. ટેક્સસ યુનિવર્સિટીના પ્રોફેસર માર્ક હેવાર્ડના જણાવ્યા મુજબ, આયુષ્ય દરમાં આ ઘટાડો જોખમી છે. કોરોના સિવાય કેટલાક અન્ય પરિબળો પણ સરેરાશ આયુષ્ય દરમાં નોંધાયેલા ઘટાડા માટે જવાબદાર છે.

અશ્વેત અમેરિકનોના આયુષ્યમાં ઘટાડો થવાનું એક કારણ હોમસાઇડ્સ

પ્રોફેસર માર્ક હેવાર્ડના જણાવ્યા મુજબ, ડ્રગ્સના ઓવરડોઝને કારણે સરેરાશ આયુષ્ય દરમાં ઘટાડો નોંધાયો છે. અમેરિકન પત્રકાર એલિઝાબેથ એરિયાસે જણાવ્યું હતું કે, અશ્વેત અમેરિકનોના આયુષ્યમાં ઘટાડો થવાનું એક કારણ હોમસાઇડ્સ પણ છે. જો કે તે એટલુ અસરકારક પરિબળ નથી. આરોગ્ય સુવિધાનો અભાવ પણ તેના માટે જવાબદાર છે. આ ઉપરાંત ભીડભાડવાળા વિસ્તારોમાં રહેવાને કારણે પણ આયુષ્ય દરમાં ઘટાડો થઇ શકે છે. નિષ્ણાંતોના જણાવ્યા મુજબ રોગચાળા દરમિયાન ટૂંકા પગારની નોકરી કરતા લોકો પર સૌથી વધુ અસર થઇ છે.

English summary

The so-called superpower America is going through a bad situation due to the transmission of Corona virus. Coronal deaths in the United States have led to a sharp decline in life expectancy. For the first time since World War II, the average life expectancy in the United States has dropped dramatically. According to the U.S. Department of Health, 74 percent of coronary heart disease infections are responsible for the decline in life expectancy. Last year, 3.3 million people died in the United States. Of these, 11 percent are due to corona. According to USA health officials, the country has not seen such a large number of deaths in recent years.