મોઝામ્બિક: ઓઇલ ટેંકરમાં ધમાકો થતા 73 ના મોત, 100 થી વધુ ઘાયલ
મોઝામ્બિક દુનિયાના સૌથી ગરીબ દેશોમાંનો એક છે. 1992 માં સિવિલ વોર ખતમ થયા બાદ અહીં ખૂબ જ આર્થિક સંકટ ચાલી રહ્યુ છે...
પશ્ચિમ મોઝામ્બિકના એક ગામમાં ઓઇલ ટેંકરમાં થયેલા ધમાકામાં અત્યાર સુધીમાં આશરે 73 લોકોના મોત નીપજ્યા છે. આ ઘટનામાં 100 થી પણ વધુ લોકો ઘાયલ થયા છે.
સરકારી રેડિયોમાં જારી કરેલ જાણકારી મુજબ પેટ્રોલ લઇને જઇ રહેલ ટ્રકમાં થયેલ ધમાકામાં અત્યાર સુધીમાં મૃતકોની સંખ્યા 73 થઇ છે. જ્યારે 110 લોકો ઘાયલ થયા છે. ઘાયલોમાં કેટલાકની હાલત ગંભીર જણાવાઇ રહી છે. આમાં બાળકો પણ શામેલ છે. સરકાર આ ઘટના અંગે ખેદ પ્રગટ કરે છે. ઘાયલોને દરેક પ્રકારની સંભવ મદદ કરવામાં આવી રહી છે.
ધમાકાના કારણોની તપાસ
ટેંકરમાં ધમાકાનું કારણ હજુ સુધી જાણી શકાયુ નથી. સૂચના મંત્રાલયના નિર્દેશક જોએઓ માનાસ્સેસના જણાવ્યા મુજબ તપાસ કરવામાં આવી રહી છે કે જ્યારે ટેંકરમાં ધમાકો થયો ત્યારે તેમાંથી ઓઇલ વેચવામાં આવી રહ્યુ હતુ કે તેને સ્થાનિક લોકોના હવાલે કરી દેવામાં આવ્યુ હતુ.
દુનિયાના સૌથી ગરીબ દેશોમાંનો એક છે આ દેશ
મોઝામ્બિક દુનિયાના સૌથી ગરીબ દેશોમાંનો એક છે. 1992 માં સિવિલ વોર ખતમ થયા બાદ અહીં ખૂબ જ આર્થિક સંકટ ચાલી રહ્યુ છે. હાલમાં જ સરકારે ઓઇલના ભાવોમાં વધારો કર્યો હતો.