Bangladesh Protest: બાંગ્લાદેશના PM ભારતની શરણમાં, સેના પ્રમુખે કહ્યુ - અમે વચગાળાની સરકાર બનાવીશુ

Updated: Monday, August 5, 2024, 16:10 [IST]

Bangladesh Protest: બાંગ્લાદેશના વડા પ્રધાન શેખ હસીના ભારે વિરોધનો સામનો કરવા દરમિયાન રાજીનામું આપીને, રાજધાનીમાંથી છોડીને ગયા પછી સેના પ્રમુખે કહ્યુ કે તેઓ વચગાળાની સરકાર બનાવશે.

વેકરે રાજ્યના ટેલિવિઝન પર રાષ્ટ્રને પ્રસારણમાં કહ્યું, શેખ હસીનાએ રાજીનામું આપ્યું છે. અમે વચગાળાની સરકાર બનાવીશું.

બાંગ્લાદેશના આર્મી ચીફ વકાર-ઉઝ-ઝમાને વડાપ્રધાન શેખ હસીનાના રાજીનામાની પુષ્ટિ કરી છે. તેમણે કહ્યું કે હવે દેશનું સંચાલન વચગાળાની સરકાર કરશે. મેં વિવિધ પક્ષોના તમામ નેતાઓ સાથે વાત કરી છે. અમે વચગાળાની સરકાર બનાવીશું અને દેશને શાંતિથી ચલાવીશું. તેમણે પ્રદર્શનકારીઓને હિંસાનો માર્ગ છોડીને પાછા ફરવાની અપીલ કરી અને કહ્યુ કે સેના તેમની માંગણીઓનું સંપૂર્ણ ધ્યાન રાખશે.

આર્મી ચીફ વકાર-ઉઝ-ઝમાને કહ્યું કે અમે તમારી માંગણીઓ પૂરી કરીશું. તમે લોકો અમારી સાથે આવો તો સાથે મળીને પરિસ્થિતિ બદલીશું. લડાઈ અને હિંસાથી દૂર રહો. અમે પાર્ટીના તમામ નેતાઓ સાથે વાત કરી રહ્યા છીએ. અમે વચગાળાની સરકાર બનાવીશું.

તમને જણાવી દઈએ કે બાંગ્લાદેશની સ્વતંત્રતા ચળવળના પ્રણેતા બંગબંધુ શેખ મુજીબુર રહેમાનની પ્રતિમાને વિરોધીઓએ તોડફોડ કરી છે. શેખ મુજીબુર રહેમાન પીએમ શેખ હસીનાના પિતા અને દેશના ઈતિહાસના સૌથી મહાન નેતા છે જેમણે પાકિસ્તાનથી આઝાદીની લડાઈનું નેતૃત્વ કર્યું હતું.

અનામત આંદોલન બાદ તાજેતરમાં તેમના રાજીનામાની માંગ સાથે જનઆંદોલન શરૂ થયું હતું. શનિવારે હજારો લોકો રસ્તા પર નીકળી ગયા હતા. રવિવારે, આંદોલન દેશવ્યાપી અને હિંસક બન્યું. મોડી રાત સુધી ચાલેલા સંઘર્ષમાં ડઝનેક લોકોએ જીવ ગુમાવ્યા હતા. રવિવારે ભૂતપૂર્વ સૈન્ય અધિકારીઓએ પણ આંદોલનમાં જોડાવાની જાહેરાત કરી હતી.

આજે સોમવારે બાંગ્લાદેશમાં સ્થિતિ વધુ કાબૂ બહાર થઈ ગઈ હતી. હજારો વિરોધીઓએ વડા પ્રધાનના સત્તાવાર નિવાસસ્થાન ગોનો ભવન પર હુમલો કર્યો. આ પછી શેખ હસીનાએ તેમની બહેન શેખ રેહાના સાથે આર્મીના હેલિકોપ્ટરમાં દેશ છોડી દીધો હતો.

Watch: "Have trust in the army and maintain peace in the country..." says Bangladesh Army Chief Waker Uz Zaman, While addressing the country pic.twitter.com/N9GTFNHZYP
— IANS (@ians_india) August 5, 2024