Bangladesh Crisis : કેટલી તાકતવર છે બાંગ્લાદેશની સેના? જાણો ભારતીય સેનાની સરખામણીમાં કેટલા સૈનિકો છે?

Bangladesh Crisis : બાંગ્લાદેશમાં વિદ્રોહ બાદ સેનાએ મોરચો સંભાળ્યો છે અને સ્થિતી કંટ્રોલમાં લાવવાની કોશિશ કરી રહી છે.

તમને જણાવી દઈએ કે, બાંગ્લાદેશની સેના દક્ષિણ એશિયાની ત્રીજા નંબરની સેના છે. આજે અમે તમને બાંદગ્લાદેશની સેના વિશેની કેટલીક ખાસ વાતો જણાવવાના છીએ.

દક્ષિણ એશિયાના દેશોમાં બાંગ્લાદેશની સેના ત્રીજા ક્રમે છે. બાંગ્લાદેશમાં અનામતને લઈને થયેલા વિરોધને પગલે 300થી વધુ લોકોના મોત થયા છે. હવે સમગ્ર કમાન્ડ સેનાના હાથમાં છે.

દેશની સેના કેટલી શક્તિશાળી છે તે ગ્લોબલ ફાયરપાવર મિલિટરી રેન્કિંગ પરથી સમજી શકાય છે. 145 દેશોની આ રેન્કિંગમાં બાંગ્લાદેશની સેના 37માં સ્થાને છે. જ્યારે પાકિસ્તાની સેના નવમા નંબરે છે. રેટિંગ જેટલું ઓછું હશે તે દેશની સેના વધુ શક્તિશાળી હશે.

બાંગ્લાદેશ આર્મીમાં 1,75,000 સક્રિય સૈનિકો છે. જેમાં બોર્ડર ગાર્ડની સાથે કોસ્ટ ગાર્ડનો પણ સમાવેશ થાય છે. બાંગ્લાદેશી સેનાના સૈનિકોને સંયુક્ત રાષ્ટ્ર શાંતિ રક્ષા મિશનમાં પણ તૈનાત કરવામાં આવ્યા છે.

આ મિશનમાં બાંગ્લાદેશના 7 હજાર સૈનિકો તૈનાત કરવામાં આવ્યા છે. સૈનિકોની સંખ્યાના મામલે પાકિસ્તાન બાંગ્લાદેશ કરતા ઘણું આગળ છે. ગ્લોબલ ફાયરપાવરના રિપોર્ટ અનુસાર પાકિસ્તાનમાં સક્રિય સૈનિકોની કુલ સંખ્યા 6,54,000 છે.

બાંગ્લાદેશ આર્મી પાસે 13,100 બખ્તરબંધ વાહનો, 281 ટેન્ક, 30 સ્વ-સંચાલિત તોપ સાથે 370 ટોવ્ડ આર્ટિલરી અને 70 રોકેટ આર્ટિલરી છે. બાંગ્લાદેશ દર વર્ષે તેની સેના પર 3.8 અબજ ડોલર ખર્ચે છે. આ બજેટ ભારત અને પાકિસ્તાન પછી દક્ષિણ એશિયાનું ત્રીજું સૌથી મોટું બજેટ છે.

English summary

Bangladesh Crisis: How powerful is the army of Bangladesh? Know how many soldiers compared to Indian army?