નાઇજિરિયામાં નાવ ડૂબી, 103 લોકોના મોત
અબુજા : નાઇજિરિયામાં એક નાવ પલટી જવાને કારણે અકસ્માત થયો છે. આ અકસ્માતને કારણે 103 લોકોના મોત થયા છે. આ અકસ્માત ઉત્તર નાઇજિરિયામાં થયો હતો.
નાવ પર સવાર લોકો એક લગ્ન સમારોહમાં હાજરી આપી પરત ફરી રહ્યા હતા. આ નાવમાં બાળકોનો પણ સમાવેશ થાય છે. નાવમાં અદાજે 300 લોકો સવાર હતા.
આ અકસ્માત વિશે માહિતી આપતા અધિકારીઓએ જણાવ્યું હતું કે, આ ઘટના ઉત્તરી નાઈજિરિયાના કવારા રાજ્યના પતેગી જિલ્લામાં બની હતી. આ અકસ્માત બાદ મોટી સંખ્યામાં લોકો ગુમ થઈ ગયા છે. ગુમ થયેલા લોકોની શોધખોળ ચાલુ છે. સ્થાનિક લોકો અને પોલીસ ગુમ થયેલા લોકોને શોધી રહી છે.
તેમણે જણાવ્યું હતું કે, અત્યાર સુધીમાં 100 લોકોને બચાવી લેવામાં આવ્યા છે. સ્થાનિક વડા અબ્દુલ ગના લુકપાડાએ જણાવ્યું હતું કે, બોટ ખીચોખીચ ભરેલી હતી.
તેમાં લગભગ 300 લોકો હતા. બોટ પાણીની અંદરના મોટા લોગ સાથે અથડાઈ હતી અને તેને નુકસાન થયું હતું. કવારા ગવર્નર અબ્દુલરહમાન અબ્દુલરાઝકની ઓફિસે શોક વ્યક્ત કરતું નિવેદન બહાર પાડ્યું હતું.
Click it and Unblock the Notifications
Sign in with Google
