નેન્સી પેલોસીના પ્રવાસથી નારાજ ચીને તાઈવાન પર લગાવ્યા ઘણા પ્રતિબંધ
યુએસ હાઉસ સ્પીકર નેન્સી પેલોસી મંગળવારે ચીનની ધમકીઓને બાયપાસ કરીને તાઈવાન પહોંચ્યા હતા. જાણો ત્યાં જઈને તેમણે શું કહ્યુ.
તાઈપેઈઃ યુએસ હાઉસ સ્પીકર નેન્સી પેલોસી મંગળવારે ચીનની ધમકીઓને બાયપાસ કરીને તાઈવાન પહોંચ્યા હતા. પેલોસીના તાઈવાન પહોંચ્યા બાદ ચીને નેચરલ સેન્ડના નિકાસ બંધ કરવાની જાહેરાત કરી છે. બેઇજિંગ સતત ધમકી આપી રહ્યુ હતુ કે જો પેલોવસ્કી તાઇવાન જશે તો તેના ગંભીર પરિણામો આવશે. ચીને કહ્યુ કે પેલોસીની તાઈવાનની મુલાકાતથી સમગ્ર ક્ષેત્રની શાંતિમાં ખલેલ પહોંચશે, તેનાથી તાઈવાનની સ્વતંત્રતા અંગે અલગતાવાદી દળોને મજબૂતી મળશે અને તેમને ખોટો સંદેશ જશે. પરંતુ આ બધુ હોવા છતાં પેલોસી તાઈવાન પહોંચી ગયા.
તાઈપેઈમાં ઉતર્યા બાદ પેલોસીએ કહ્યુ કે જ્યારે અમે તાઈવાનમાં લોકશાહીનુ સમર્થન કરીએ છીએ ત્યારે આ મુલાકાત અમેરિકાના વલણનું ઉલ્લંઘન કરતી નથી જેમાં કહેવામાં આવ્યું છે કે અમે તાઈવાનને અલગ દેશ તરીકે સમર્થન આપતા નથી.પરંતુ અમેરિકાના હાઉસ સ્પીકર જે રીતે તાઈવાન પહોંચ્યા તેનાથી નારાજ ચીને જાહેરાત કરી છે કે તે તાઈવાનની કંપનીઓ પર ઘણા આર્થિક નિયંત્રણો લાદશે. આ સાથે તાઈવાનની ઘણી કંપનીઓની પેસ્ટ્રી, બેક્ડ સામાન, મીઠાઈઓની આયાત પર પ્રતિબંધ મૂકવામાં આવશે.
મંગળવારે ચીને તાઈવાનની કેટલીક કંપનીઓ પાસેથી ખાદ્ય પદાર્થોની આયાત પર રોક લગાવી દીધી હતી. તાઈવાન કાઉન્સિલ ઓફ એગ્રીકલ્ચર દ્વારા પણ આ વાતની પુષ્ટિ કરવામાં આવી છે. COA દ્વારા કહેવામાં આવ્યુ છે કે જે કંપનીઓને બ્લેકલિસ્ટ કરવામાં આવી છે તેમાં ચા, મેવા, મધ, કોકો બીન, શાકભાજી, માછલીના નિકાસકારોનો સમાવેશ થાય છે.
Click it and Unblock the Notifications
Sign in with Google
