AI ને લઈને એલોન મસ્કનું મોટુ નિવેદન, કહ્યું- ભવિષ્યમાં માત્ર ડ્રોનથી યુદ્ધ લડાશે
દુનિયા ઝડપથી બદલાઈ રહી છે. હમણા હમણા સુધી માત્ર સાદા મોબાઈલ ફોન સુધી પહોંચેલી ટેકનોલોજી હવે આર્ટિફિશિયલ ઈન્ટેલિજન્સ સુધી પહોંચી ગઈ છે. હવે એલોન મસ્કે આર્ટિફિશિયલ ઈન્ટેલિજન્સને લઈને મોટુ નિવેદન આપ્યુ છે.
એલોન મસ્કએ આર્ટિફિશિયલ ઈન્ટેલિજન્સ દ્વારા નિયંત્રિત ડ્રોનના મોટા પાયે ઉત્પાદનને લઈને ચેતવણી આપી છે. એલોન મસ્કે કહ્યું કે, AI કંટ્રોલ સશસ્ત્ર ડ્રોનનું નિર્માણ ભવિષ્યની અથડામણોને ડ્રોન યુદ્ધમાં ફેરવશે.
લંડન ખાતે વોલ સ્ટ્રીટ જર્નલની સીઈઓ કાઉન્સિલ સમિટમાં વર્ચ્યુઅલ રીતે વાત કરતા AI ટેક્નોલોજીને લઈને મસ્કે મોટી વાત કરી. તેમણે કહ્યું કે, આપણે જે કંઈ કરીએ છીએ તેના માટે આર્ટિફિશિયલ ઈન્ટેલિજન્સ જરૂરી નથી. એલોન મસ્કે આર્ટિફિશિયલ ઈન્ટેલિજન્સને બે ધારી તલવાર ગણાવી છે.
એલોન મસ્કે કહ્યું કે, જો તમારી પાસે કોઈ જીન્ન છે જે તમને કંઈપણ આપી શકે તો તે ખતરો છે. તેમણે કહ્યું કે, દુનિયાભરની સરકારો કંઈપણ બનાવતા પહેલા AI થી હથિયારો વિકસાવશે. ભવિષ્યમાં સરહદ પર સૈનિકો ઓછા અને ડ્રોન વધુ હશે.
એલોન મસ્કે AI ને લઈને ચેતવણી આપતા કહ્યું કે, યુદ્ધના મેદાનમાં AI સંચાલિત શસ્ત્રો ધરાવતો માનવી કોઈપણ સામાન્ય માનવી કરતાં વધુ ઝડપથી પ્રતિક્રિયા આપી શકે છે. અદ્યતન દેશ અને ન્યૂનતમ ડ્રોન ક્ષમતા ધરાવતા દેશ વચ્ચેનું ભવિષ્યનું કોઈપણ યુદ્ધ માત્ર ડ્રોન યુદ્ધ હશે. મસ્કે એઆઈને માનવતાના અસ્તિત્વ માટેના સૌથી મોટા જોખમોમાંથી એક ગણાવ્યું.
એલોન મસ્કને 10 વર્ષ પછીની ટેકનોલોજી વિશે સવાલ કરાતા તેમણે જવાબમાં કહ્યું કે, તે સકારાત્મક અથવા નકારાત્મક બંને હોઈ શકે છે. તે અવિશ્વસનીય છે, તેમાં મોટી સંભાવના છે, પરંતુ તેની સાથે મોટો ભય છે.
Click it and Unblock the Notifications
Sign in with Google
