H-1B Visa મુદ્દે ઈલોન મસ્કે ડોનાલ્ડ ટ્રમ્પના નિર્ણયને કર્યું સમર્થન, ભારતીયોને ફાયદો થશે કે નહીં?

H-1B વિઝાને લઈને અમેરિકામાં હોબાળો ચાલી રહ્યો છે અને તે દરમિયાન ભાવિ રાષ્ટ્રપતિ ડોનાલ્ડ ટ્રમ્પે કહ્યું છે કે તેમને 'હંમેશા H-1B વિઝા પસંદ છે.' ઇલોન મસ્ક અને રિપબ્લિકન પાર્ટીના જમણેરી કાર્યકરો વચ્ચે ચાલી રહેલા વિવાદમાં ડોનાલ્ડ ટ્રમ્પે ઇલોન મસ્કનું સમર્થન કર્યું છે.

ડોનાલ્ડ ટ્રમ્પે ન્યૂયોર્ક પોસ્ટને કહ્યું, "મને હંમેશા વિઝા પસંદ આવ્યા છે, હું હંમેશા વિઝાની તરફેણમાં રહ્યો છું. "મારી પાસે ઘણા બધા H-1B વિઝા ધરાવતા લોકો મારી પ્રોપર્ટી પર કામ કરે છે. હું H-1Bમાં ઘણો વિશ્વાસ રાખું છું. મેં તેનો ઘણી વખત ઉપયોગ કર્યો છે અને તે એક સરસ પ્રોગ્રામ છે.

પરંતુ, અમેરિકામાં H-1B વિઝાને લઈને વિવાદ સતત વધી રહ્યો છે. એલોન મસ્કના ડિપાર્ટમેન્ટ ઓફ ગવર્નમેન્ટ એફિશિયન્સી (DOGE)ના સહ-હેડ વિવેક રામાસ્વામી અને ટેક સેક્ટરના અન્ય નેતાઓએ વિશ્વના વિવિધ ભાગોમાંથી વધુ કુશળ વ્યાવસાયિકોની ભરતી કરવા H-1B પ્રોગ્રામના વિસ્તરણની હિમાયત કરી છે. બીજી તરફ, ઘણા રિપબ્લિકન ઈચ્છે છે કે અમેરિકન નોકરીઓ પહેલા અમેરિકન લોકો પાસે જાય અને તેઓ ઈમિગ્રેશન પર અંકુશની હિમાયત કરી રહ્યા છે.

ઈલોન મસ્ક વિરોધ ચાલી રહ્યું છે અભિયાન

અને આ કારણોસર ડોનાલ્ડ ટ્રમ્પની પાર્ટીના સમર્થકો અને નેતાઓ એલોન મસ્ક વિરુદ્ધ અભિયાન ચલાવી રહ્યા છે, જ્યારે ઇલોન મસ્ક પોતાની વાત પર અડગ છે. છેલ્લા કેટલાક વર્ષોમાં સૌથી વધુ H-1B વિઝા ધારકો ભારતીયો છે. તેથી એ જાણવું જરૂરી બની જાય છે કે, ડોનાલ્ડ ટ્રમ્પને ખરેખર H-1B કેટલા પસંદ છે અને આ જાણવા માટે આપણે તેમની પ્રથમ ટર્મ જોવી પડશે અને જોવું પડશે કે તે ચાર વર્ષમાં કેટલા લોકોને H-1B વિઝા આપવામાં આવ્યા?

H-1B વિઝા પ્રોગ્રામ શું છે?

• યુએસ ડિપાર્ટમેન્ટ ઓફ લેબર અનુસાર, આ પ્રોગ્રામ અમેરિકન કંપનીઓને બીજા દેશના લોકોને રોજગારી આપવાની મંજૂરી આપે છે. પરંતુ, H-1B વિઝા એવા લોકોને જ આપી શકાય છે જેમની પાસે પ્રોફેશનલ ડિગ્રી હોય અને ઓછામાં ઓછી ગ્રેજ્યુએશનની ડિગ્રી હોય.
• શ્રમ વિભાગનું કહેવું છે કે, "H-1B પ્રોગ્રામનો હેતુ એવી કંપનીઓને મદદ કરવાનો છે કે જેઓ તેમના વ્યવસાય માટે જરૂરી લોકોને અમેરિકન વર્કફોર્સ પાસેથી મેળવી શકતા નથી. તેથી તે લાયક વ્યક્તિઓને કામચલાઉ રોજગાર પ્રદાન કરે ."

• યુએસ સરકારે દરેક નાણાકીય વર્ષમાં નવા H-1B વિઝાની કુલ સંખ્યા 65,000 સુધી મર્યાદિત કરી છે.
• અન્ય 20,000 વિઝા એવા લોકોને મંજૂર કરી શકાય છે જેમણે યુએસ સંસ્થામાંથી માસ્ટર ડિગ્રી અથવા તેનાથી વધુની ડિગ્રી મેળવી છે.
• ઉચ્ચ શિક્ષણની સંસ્થાઓ, બિન-લાભકારી સંસ્થાઓ અથવા સરકારી સંશોધન સંસ્થાઓમાં કામ કરતા H-1B કામદારો આ મર્યાદામાં આવતા નથી.

H-1B પ્રોગ્રામ હેઠળ કેટલા ભારતીયોને નોકરી મળી?

• યુએસ સરકાર દ્વારા જાહેર કરવામાં આવેલા ડેટા દર્શાવે છે કે છેલ્લા કેટલાક વર્ષોમાં ભારતીયો સૌથી વધુ H-1B વિઝા ધારકો છે.
• આ વર્ષે માર્ચમાં યુએસ સિટિઝનશિપ એન્ડ ઇમિગ્રેશન સર્વિસિસના અહેવાલ મુજબ, નાણાકીય વર્ષ 2023માં કુલ (3.86 લાખ) H-1B મંજૂરીઓમાં ભારતીયોનો હિસ્સો 72.3% (2.79 લાખ) હતો.
• 2023 માં મંજૂર થયેલા કુલ H-1B વિઝામાંથી 11.7% પ્રાપ્ત કરીને ચીની કામદારો બીજા સ્થાને હતા.
• 2023 માં તમામ H-1B વિઝામાંથી, 65% કમ્પ્યુટર-સંબંધિત વ્યવસાયો માટે હતા, ત્યારબાદ આર્કિટેક્ચર, એન્જિનિયરિંગ અને સર્વેક્ષણ (9.5%) અને શિક્ષણ (6%). 2023માં H-1B વિઝા ધારકોની સરેરાશ વાર્ષિક કમાણી $118,000 હતી.

H-1B વિઝા સંબંધિત સંખ્યા બદલાઈ?

• અમેરિકન ઈમિગ્રેશન કાઉન્સિલ દ્વારા 8 ઓક્ટોબરના રોજ બહાર પાડવામાં આવેલા અહેવાલમાં જણાવવામાં આવ્યું છે કે 2020માં કોવિડ-19 પ્રતિબંધોને કારણે H-1B વિઝા ધારકોની સંખ્યામાં ઘટાડો થયો છે.
• દેશમાં પ્રવેશતા H-1B પ્રાપ્તકર્તાઓની સંખ્યા નાણાકીય વર્ષ 2018 માં 570,368 થી વધીને નાણાકીય વર્ષ 2019 માં 601,594 થઈ અને પછી નાણાકીય વર્ષ 2020 માં ઘટીને 368,440 થઈ ગઈ છે.

જોકે, H-1B વિઝાની સંખ્યા નાણાકીય વર્ષ 2021માં ઘટીને 148,603 થઈ હતી, જેનું મુખ્ય કારણ કોવિડ-19 રોગચાળાની અસર છે પરંતુ, 2022માં આ સંખ્યા વધીને 4.10 લાખ થઈ ગઈ હતી. રિપોર્ટમાં જાણવા મળ્યું છે કે ટ્રમ્પ વહીવટીતંત્રના કાર્યકાળ દરમિયાન અને આ વર્ષે H-1B અરજીઓ નકારવાનો દર ઘણો વધારે હતો. તે 2016 માં 6% થી વધીને 2018 માં 24% થઈ, પછી 2019 માં ફરી ઘટીને 21%, 2020 માં 13% અને 2021 માં 4% થઈ ગયું. છેલ્લે છેલ્લે ટ્રમ્પ સરકાર દ્વારા જ વિઝાને વધુ પ્રમાણમાં રિજેક્ટ કરવામાં આવ્યા હતા.