For Quick Alerts
ALLOW NOTIFICATIONS  
For Daily Alerts
Oneindia App Download

પોતાના હરીફોને પરેશાન કરવા માટે 300 થી વધુ ફેક એકાઉન્ટ બનાવ્યા

અમેરિકામાં કેટલાક લોકોને 369 ઇન્સ્ટાગ્રામ એકાઉન્ટ્સ અને લગભગ 18 ઇમેઇલ સરનામાંઓથી ધમકીઓ મળી રહી હતી.

By Ankit Patel
|
Google Oneindia Gujarati News

અમેરિકામાં કેટલાક લોકોને 369 ઇન્સ્ટાગ્રામ એકાઉન્ટ્સ અને લગભગ 18 ઇમેઇલ સરનામાંઓથી ધમકીઓ મળી રહી હતી. પરંતુ તેઓ સંપૂર્ણપણે અજાણ હતા કે ફક્ત એક મહિલા આ તમામ એકાઉન્ટને નિયંત્રિત કરી રહી છે. આ કેસમાં એફબીઆઇ એજન્ટો કહે છે કે ફિટનેસ ટ્રેનર અને ચાર બાળકોની માં ટૈમી સ્ટીફન આ એકાઉન્ટ્સનો ઉપયોગ તેના પૂર્વ બિઝનેસ સાથીઓ અને બોડી બિલ્ડિંગની દુનિયામાં તેના સ્પર્ધકોને પરેશાન કરવા માટે કરતી હતી.

Fake Account

સ્ટીફને એક સંદેશમાં લખ્યું, "હું તમારા શરીરને નાના નાના ટુકડા કરીશ." શુક્રવારે 37 વર્ષીય આરોપીને પાંચ વર્ષની જેલની સજા ફટકારી છે. તેના પર સાયબર સ્ટોકીંગ અને ઓલાઇન ધમકીભર્યા સંદેશાઓ મોકલવાનો આરોપ મૂકાયો છે. એફબીઆઈના વિશેષ એજન્ટ ક્રિસ્ટિન રેહલરે ડબ્લ્યુએફએલએને જણાવ્યું હતું કે "તેના ગુનાની હદ આશ્ચર્યજનક છે."

મહિલાએ ત્રણ રાજ્યોમાં રહેતા પાંચ લોકોને નિશાન બનાવ્યા. તેણે પોતાના પૂર્વ વ્યવસાયી સહયોગી પાસેથી બદલો લેવાની કોશિશ માટે એક માથા વગરની બેબી ડોલ અને એક નકલી અપહરણ યોજના પણ ઘડી હતી. મહિલાનું માનવું છે કે અગાઉના વ્યવસાયિક સહયોગીએ ઓનલાઇન ફિટનેસની સ્પર્ધા જીતવાની તેની તકોને સમાપ્ત કરી દીધી છે. જેને અધિકારીઓએ ખોટી કહી છે.

તેને 9 જુલાઈ, 2019 ના રોજ એક માથા વગરની ડૉલથી શરૂઆત કરી. સ્ટીફને આ ઢીંગલીને શૈરીફની ઓફિસમાં મૂકી દીધી હતી. તેની સામે નોંધાયેલી ફરિયાદમાં આ વાત જણાવી છે. ઢીંગલીની અંદર લખ્યું હતું, "બાળકો માટે નવું રમકડું." પાંચ દિવસ પછી, સ્ટેફન ફરીથી શૈરિફની ઓફિસમાં ફરી ફોન કર્યો, આ વખતે તેને એમ કહ્યું કે કોઈએ તેની પોતાની (સ્ટીફન) પુત્રીનું અપહરણ કરવાનો પ્રયાસ કર્યો છે. જ્યારે તેની 12 વર્ષની પુત્રી તે સમયે તેના કૂતરાને ખાવાનું ખવડાવી રહી હતી.

તેણે બાળક ઉપર પણ હુમલો કર્યો હતો. જોકે તે સલામત છે. બાળકીએ તેની સાથે બનેલી ઘટના અંગે પોલીસને જણાવ્યું હતું. તપાસ બાદ જાણવા મળ્યું કે સ્ટીફને પોતે જ આ બધું કર્યું હતું. સ્ટીફનને 17 જુલાઈ ના રોજ ફેક પોલીસ રિપોર્ટ લખાવવા અને તેની પોતાની બાળકી સાથે ખરાબ વ્યવહાર કરવા બદલ ધરપકડ કરવામાં આવી હતી. તેણે પોતાની પુત્રીને પોલીસ સમક્ષ જૂઠું બોલવાનું પણ કહ્યું હતું. આ પછી, નવેમ્બરમાં તેના માટે મુશ્કેલીઓ વધી ગઈ. ત્યારબાદ તેના પર લોકોને સેંકડો ધમકીભર્યા સંદેશા મોકલવાનો આરોપ મૂકાયો હતો. તેણે પીડિતોના પરિવાર અને પીડિતો બંનેને જાનથી મારી નાખવાની ધમકી પણ આપી હતી. અપહરણના ખોટા કેસમાં પણ તેને સજા મળી છે.

આ પણ વાંચો: ટ્રેનમાં એટલી જોરથી હસી મહિલા, હલી ગયું જડબું, મોં રહી ગયું ખુલ્લું

English summary
Fitness Expert Created more than 300 Fake Accounts To Harass Rival
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X