અફઘાનિસ્તાનમાં સેનાએ 5 તાલિબાની આતંકીઓને ઠાર માર્યા
અફઘાનિસ્તાનમાં સેનાએ 5 તાલિબાની આતંકીઓને ઠાર માર્યા
કાબુલઃ અફઘાનિસ્તાનમાં તાલિબાની આતંકીઓ અને અફઘાન ફોર્સિસ વચ્ચે અથડામણમાં 5 તાલિબાની આતંકવાદીઓ ઠાર મરાયા હોવાના અહેવાલ છે. આ હુમલામાં 4 તાલિબાની આતંકવાદીઓ ઘાયલ પણ થયા છે. જાણકારી મુજબ અફઘાનિસ્તાનના ડંગમ જિલ્લામાં કુનાર પ્રાંતમાં અફઘાનની સેનાની ઈસ્ટર્ન ડિવિજન જેને 201 સેલબ કોર્પના નામે ઓળખવામાં આવે છે, તેના તરફથી આ અથડામણને લઈ નિવેદન જાહેર કરવામાં આવ્યું છે.
નિવેદનમાં કહેવામાં આવ્યું કે ગત રાતે આતંકીઓએ અફઘાન સુરક્ષાકર્મીઓ પર ચેકપોઈન્ટ પર હુમલો કરી દીધો, જેના જવાબમાં સુરક્ષાકર્મીઓએ પણ તેમના પર ગોળીબાર કર્યો. આ ગોળીબારમાં પાંચ આતંકવાદીઓના મોત થઈ ગયાં, જ્યારે ચાર આતંકવાદીઓ ઘાયલ થયા છે. ડિવિઝન તરફથી કહેવામાં આવ્યું કે આ હુમલામાં એક સામાન્ય નાગરિક પણ ઘાયલ થયો છે. તાલિબાન તરફથી હજી સુધી ઘટનાની પુષ્ટિ નથી કરાઈ.
લખીમપુરમાં બાળકી સાથે હેવાનિયત મામલે અખિલેશનો યોગી પર પ્રહાર