Hezbollah Chief Dead : ઈરાનના દગાથી મર્યો હિઝબુલ્લાહ ચીફ નસરૂલ્લાહ? રિપોર્ટમાં ચૌકાવનારો ખુલાસો

Hezbollah Chief Dead : ઇઝરાયેલના હુમલામાં હિઝબુલ્લાહ ચીફ સૈયદ હસન નસરૂલ્લાહનું મોત થયુ છે. હવે અહેવાલો આવી રહ્યા છે કે તેને મારવા માટે ઈરાને ઈઝરાયેલને સાથ આપ્યો હતો.

હાલમાં જ ઇઝરાયેલે લેબનાનમાં એક એર સ્ટ્રાઈકમાં હિઝબુલ્લાહ ચીફ સૈયદ હસન નસરૂલ્લાહને મોતને ઘાટ ઉતાર્યો હતો. હવે ખુલાસો થયો છે કે તેના લોકેશન વિશે ઈરાનના જાસૂસે ઈઝરાયેલને જાણકારી આપી હતી.

લે પેરિસિયનના એક અહેવાલ અનુસાર, ઇઝરાયેલી સેનાને શનિવારે બપોરે એક ઈરાની જાસૂસ પાસેથી મહત્વપૂર્ણ સૂચના મળી હતી. જેમાં નસરૂલ્લાહના બેરૂતના દક્ષિણી ઉપનગર દહીહ સ્થિત હિઝબુલ્લાના હેડક્વાર્ટરમાં પહોંચવાની માહિતી હતી.

આ અહેવાલ અનુસાર, લેબનીઝ પ્રશાસન દ્વારા કરવામાં આવેલી તપાસમાં જાણવા મળ્યું છે કે લેબનાનમાં હવાઈ હુમલા પહેલા તેના સેલફોન મેસેજને વિક્ષેપિત કરવામાં આવ્યા હતા.
આ પછી હિઝબુલ્લાએ પેજર અને વોકી-ટોકીનો ઉપયોગ કરવાનું શરૂ કર્યું. પેજરનો ઉપયોગ પણ હિઝબુલ્લાહની જાસૂસી માટે પણ કરવામાં આવતો હતો.

બીજી તરફ ગાઝા અને લેબનાન પર ઈઝરાયેલના હુમલામાં અમેરિકાની સંડોવણીથી ઈરાન નારાજ છે. ઈરાને અમેરિકા પર આરોપ લગાવ્યો છે કે ઈઝરાયેલે લેબનાનની રાજધાની બેરુતમાં જે બોમ્બ વરસાવ્યા તે અમેરિકાએ તેને આપ્યા હતા. આ હુમલામાં હિઝબુલ્લાના ચીફ હસન નસરાલ્લાહ માર્યો ગયો.

English summary

Hezbollah Chief Dead: Hezbollah Chief Nasrullah died of Iran's betrayal? Shocking revelations in the report