Imran khan Arrested : ઈસ્લામાબાદ હાઈકોર્ટની બહારથી પાકિસ્તાનના પૂર્વ વડાપ્રધાન ઈમરાન ખાનની ધરપકડ
Imran khan Arrested : પાકિસ્તાનના પૂર્વ વડાપ્રધાન અને પીટીઆઇના પ્રમુખ ઇમરાન ખાનને રેન્જર્સ દ્વારા ઇસ્લામાબાદ હાઇકોર્ટની બહારથી ધરપકડ કરવામાં આવી છે. પીટીઆઇના વકીલ ફૈસલ ચૌધરીએ ઇમરાન ખાનની ધરપકડની ખાત્રી કરી છે.
પીટીઆઈ નેતા મુસરરત ચીમાએ ટ્વિટર પર એક વીડિયો સંદેશમાં કહ્યું, તેઓ અત્યારે ઈમરાન ખાનને ટોર્ચર કરી રહ્યા છે, તેઓ ખાન સાહબને માર મારી રહ્યા છે. તેઓએ ખાન સાહબ સાથે કંઈક કર્યું છે.
પીટીઆઈના અઝહર મશવાનીએ આરોપ લગાવ્યો છે કે, રેન્જર્સ દ્વારા ઈમરાનનું કોર્ટની અંદરથી "અપહરણ" કરવામાં આવ્યું છે. તેમણે જણાવ્યું હતું કે, પાર્ટીએ સમગ્ર દેશમાં વિરોધ પ્રદર્શન માટે તાત્કાલિક કોલ આપ્યો છે. આવા સમયે, પીટીઆઈના ઘણા નેતાઓનું કહેવું છે કે, ઈમરાન ખાન પર હુમલો કરવામાં આવી રહ્યો છે.
આવા સમયે પીટીઆઈના સત્તાવાર ટ્વિટર એકાઉન્ટ પર પણ ઈમરાન ખાનના વકીલનો વીડિયો શેર કરવામાં આવ્યો છે, જેમાં ઈમરાન ખાનના વકીલ લોહીથી લથપથ જોવા મળે છે. તેના માથા પર ગંભીર ઈજા છે અને તે ખરાબ રીતે ઘાયલ જોવા મળી રહ્યા છે.
Click it and Unblock the Notifications
Sign in with Google
