પાકિસ્તાન પર મોંઘવારીનો માર, લોટની કિંમત 3100 રૂપિયાને પાર

પાકિસ્તાનની હાલાત દિવસેને દિવસે બગડી રહ્યા છે, ત્યાં સતત વધી રહેલી મોંઘવારીએ સામાન્ય નાગરિકો પર આર્થિક બોજો વધારી દીધો છે. લોટના પેકેટ 3100 રૂપિયામાં મળી રહ્યાં છે.

પાકિસ્તાનમાં લોટને લઇ હાહાકાર મચ્યો છે. લોટની કિંમત પાડોસી દેશમાં અત્યાર સુધીના સર્વોચ્ચ સ્તરે પહોંચી ગઈ છે. બજારથી લોટ ખરીદવો લોકો માટે મુશ્કેલ થઇ ગોય છે. આખા પાકિસ્તાનમાં બજારથી સબ્સિડી વાળા લોટનો સ્ટોક સમાપ્ત થઇ ચૂક્યો છે. હાલાત એટલા બગડી ગયા છે કે સરકાર તરફથી હવે સબ્સિડી વાળા લોટની ઓછી કિંમત પર નાગરિકોને ઉપલબ્ધ કરાવવાની પહેલ કરવી પડી છે.

રવિવારે પાકિસ્તાનના વિવિધ ભાગોમાં સરકાર તરફથી સબ્સિડી વાળા લોટના પેકેટ નાગરિકોને બજારની સરખામણીએ ઓછી કિંમતે વેચવામાં આવી રહ્યાં છે. જેને લેવા માટે લોકોએ ભીડ લગાવી છે અને દેશમાં સબ્સિડી વાળા લોટના પેકેટ મેળવવાની કોશિશમાં ઉમટેલી ભીડથી ત્રણ દુર્ઘટના સર્જાઇ જેમાં કેટલાય ઘાયલ થયા છે જ્યારે એક વ્યક્તિએ પોતાનો જીવ ગુમાવવો પડ્યો.

પાકિસ્તાનમાં લોટની વધતી કિંમતોને કારણે કેવા પ્રકારના હાલાત બની ગયા છે તેને ત્રણ ઘટનાઓથી સમજી શકાય છે. સબ્સિડી વાળા લોટના પેકેટ મેળવવાની કોશિશમાં સિંધ પ્રાંતમાં એક વ્યક્તિએ જીવ ગુમાવ્યો. સિંધના મીરપુર ખાસમાં એક વાહન પર લોટના પેકેટ લઇ કેટલાક લોકો પહોંચ્યા. ઓછી કિંમતે લોટના પેકેટ મેળવવાની કોશિશમાં વિશાળ સંખ્યામાં લોકો એકઠા થઇ ગયા.

લોકો વાહનની પાછળ-પાછળ દોડતા જોવા મળ્યા. લોટના પેકેટ ઓછી કિંમતે પ્રાપ્ત કરવા માટે સૌકોઈ કોશિશ કરી રહ્યા હતા. વાહન પર લોટના પેકેટ સીમિત જ હતાં. હાલાત ભાગદોડ જેવા બની ગયા અને એક વ્યક્તિ પડી જવાથી ઘટના સ્થળે જ મૃત્યુ પામ્યો. જણાવવામાં આવે છે કે મૃતક 45 વર્ષનો હતો અને તેના છ બાળકો છે. તે પોતાના પરિવાર માટે ઓછી કિંમતમાં લોટનો જુગાડ કરવાની કોશિશ કરી રહ્યો હતો.

પાકિસ્તાન ખૈબર પખ્તૂનખ્વા અને બલૂચિસ્તાન પ્રાંતમાં સબ્સિડી વાળો લોટનો સ્ટોક માર્કેટમાં ખતમ થઇ ગયો હોવાના અહેવાલ છે. ખૈબર પખ્તૂનખ્વામાં લોકો લોટ માટે સરકારી દુકાનોની તલાશ કરતા જોવા મળ્યા છે જ્યાં લોટના પેકેટ 1200 રૂપિયામાં મળે છે. ખુલ્લા બજારમાં લોટના 20 કિલો વાળા પેકેટની કિંમત 3100 રૂપિયા સુધી પહોંચી ગઇ છે.

આ સ્થિતિ ત્યારે છે જ્યારે સરકાર દ્વારા લોટના એક પેકેટની કિંમત 1200 રૂપિયા નક્કી કરવામાં આવી છે. બલૂચિસ્તાનમાં પણ આવી જ સ્થિતિ છે. સબ્સિડી વાળા પેકેટ મેળવવાની કોશિશમાં લોકો અંદરોઅંદર લડવા લાગ્યા છે. પાકિસ્તાન સરકાર માટે વધતી મોંઘવારી પર લગામ લગાવવી મુશ્કેલ થતી જણાઇ રહી છે. લોટની સાથે જ અન્ય વસ્તુઓનો ભાવ પણ તેજ ગતિએ વધી રહ્યો છે.

English summary

Inflation crushed Pakistan, price of flour exceeds 3100 rupees