Iran Israel war: ઈઝરાયલે બેરુતના કર્યા બેહાલ, વાંચો ઈરાન-ઈઝરાયલ યુદ્ધની તમામ અપડેટ
Iran Israel War Update: ઈઝરાયલ દ્વારા ઈરાન પર સતત હુમલા કરવામાં આવી રહ્યા છે. તો ઈરાન પણ ઈઝરાયલ પર હુમલા કરી રહ્યું છે. આ વચ્ચે ઈઝરાયલે બેરુતમાં મોટી સંખ્યામાં બોમ્બમારો કર્યો હતો.
ઈરાને ઈઝરાયલ પર હુમલો કર્યા બાદ વડાપ્રધાન નેતન્યાહુએ ઈરાનને પરિણામ ભોગવવાની ધમકી આપી દીધી હતી.
ઇઝરાયલ દ્વારા બુધવારની મોડી રાત્રે મધ્ય બેરૂતમાં એક ઇમારતને નિશાન બનાવી અને હવાઇ હુમલામાં 9 લોકો માર્યા ગયા હતા. આ હુમલાઓ આજે પણ ચાલુ રહ્યા હતા.
ઈરાનના હુમલા બાદ બદલાની આગમાં સળગી રહેલા ઈઝરાયલે ફરી દક્ષિણ બેરુતને નિશાન બનાવ્યું છે. ઈઝરાયલે બેરુતમાં શ્રેણીબદ્ધ વિસ્ફોટો કર્યા છે.
એએફપીના જણાવ્યા અનુસાર, ઇઝરાયલની સેનાએ વિસ્તારના કેટલાક ભાગોને ખાલી કરવાનો આદેશ જાહેર કર્યા બાદ શનિવારે સવારે બેરુતના દક્ષિણી ઉપનગરોમાં શ્રેણીબદ્ધ વિસ્ફોટો થયા હતા.
લેબનીઝ રાજધાનીમાં જોરદાર વિસ્ફોટો થતા રહ્યા હતા. એએફપી ફૂટેજમાં એરપોર્ટ નજીકના વિસ્તારમાંથી ધુમાડો નીકળતો પણ દેખાય છે, જે પહેલા ઇઝરાયલી સેનાના અરબી ભાષાના પ્રવક્તા અવિચાઇ અદ્રેઇએ વિસ્તારના કેટલાક ભાગોને ખાલી કરવાની ચેતવણી આપી હતી.
લેબનોનમાં ઇઝરાયલી સૈનિકો સાથે ચાલી રહેલી અથડામણ પર, હિઝબુલ્લાએ શનિવારે વહેલી સવારે કહ્યું કે, તે પણ યોગ્ય જવાબ આપી રહ્યું છે. તેણે ઇઝરાયેલી સૈનિકોને તેમના પ્રદેશમાંથી પીછેહઠ કરવા દબાણ કર્યું છે.
સંગઠને એક નિવેદનમાં જણાવ્યું હતું કે, ઇઝરાયલી દુશ્મન સૈનિકોએ અદેહે ગામમાં નગરપાલિકાની આસપાસના વિસ્તાર તરફ આગળ વધવાનો પ્રયાસ કર્યો હતો, જેને તેમના લડવૈયાઓએ નિષ્ફળ બનાવ્યો હતો. હાલ અથડામણ ચાલુ છે.
હિઝબુલ્લાહે અગાઉ જણાવ્યું હતું કે, તેના લડવૈયાઓએ તે જ વિસ્તારમાં ઇઝરાયેલી સૈનિકોને પીછેહઠ કરવાની ફરજ પાડી હતી. તેણે દક્ષિણ લેબનોનના યારુન વિસ્તારમાં રોકેટ સાલ્વો વડે સૈનિકોને નિશાન બનાવ્યા, તેમજ સરહદ પાર બે સ્થળોએ સૈનિકો પર રોકેટ છોડ્યા છે.
હિઝબુલ્લાહ અને ઇઝરાયલ લગભગ એક વર્ષથી સરહદ પર દરરોજ ગોળીબાર કરી રહ્યા છે. હિઝબુલ્લાહનું કહેવું છે કે, તે ગાઝા યુદ્ધમાં પેલેસ્ટિનિયન સહયોગી હમાસના સમર્થનમાં છે.
આવા સમયે ઇઝરાયલનું કહેવું છે કે, તે વિસ્થાપિત લોકોની વાપસી માટે ઇઝરાયલના ઉત્તરીય વિસ્તારને સુરક્ષિત બનાવવાનો પ્રયાસ કરી રહ્યું છે, અને તેથી જ તે હિઝબુલ્લાહને નિશાન બનાવી રહ્યું છે.
ઉલ્લેખનીય છે કે, ઈઝરાયલે બોમ્બ ધડાકાને તેજ બનાવ્યું છે. ઈઝરાયલે લેબનોનમાં જમીની હુમલા પણ શરૂ કરી દીધા છે.
ઇઝરાયલ સપ્ટેમ્બરના અંતથી લેબનોનમાં હિઝબુલ્લાહના ગઢ પર બોમ્બમારો કરી રહ્યું છે, પરંતુ રાજધાની બેરુતના મધ્ય વિસ્તારને ભાગ્યે જ નિશાન બનાવવામાં આવ્યું છે.
બુધવારે મોડી રાત્રે થયેલા હુમલા પહેલા ઇઝરાયલે કોઇ ચેતવણી આપી ન હતી, જેમાં મધ્ય બેરુતમાં એક ઇમારતને નિશાન બનાવવામાં આવી હતી. આ ઈમારત યુએન હેડક્વાર્ટર અને પીએમ ઓફિસ અને સંસદથી નજીક હતી.
હિઝબુલ્લાહના નાગરિક સંરક્ષણ એકમે જણાવ્યું હતું કે, તેના 7 સભ્યો માર્યા ગયા હતા. દક્ષિણ લેબનોનમાં હિઝબુલ્લાહ સાથેની અથડામણમાં 8 ઈઝરાયલ સૈનિકો માર્યા ગયા બાદ ઈઝરાયલે આ હુમલો કર્યો હતો.
બેરુતમાં હુમલા બાદ ત્યાંના લોકોએ સલ્ફર જેવી ગંધની ફરિયાદ કરી હતી, જ્યારે લેબનોનની સરકારી રાષ્ટ્રીય સમાચાર એજન્સીએ ઈઝરાયલ પર કોઈ પૂર્વચેતવણી આપ્યા વગર ફોસ્ફરસ બોમ્બનો ઉપયોગ કરવાનો આરોપ મૂક્યો હતો.
Click it and Unblock the Notifications
Sign in with Google
