સંક્રમિત યાત્રીઓને લઈ ઉડતું રહ્યું આ કંપનીનું વિમાન, કેટલાય દેશમાં Coronavirus ફેલાવ્યો

નવી દિલ્હીઃ ઈરાનની સૌથી મોટી એરલાઈન કંપનીએ કેટલાય દેશમાં કોરોના વાયરસ ફેલાવી દીધો છે. અહેવાલ મુજબ ઈરાન સરકાર તરફથી ઉડાણો પર સખ્ત પ્રતિબંધો છતાં ત્યાંના મહાન એરે દેશ-વિદેશથી યાત્રીઓ લાવવા ચાલુ રાખ્યું અને તે પોતાની ફ્લાઈટમાં સંક્રમિત યાત્રીઓને પણ મુસાફરી કરાવતું રહ્યું, જેના કારણે કેટલાય દેશમાં કોરોના વાયરસ ફેલાઈ ચૂક્યો છે. સૌથી મોટી વાત એ છે કે આ એરલાઈને જે-જે દેશની યાત્રા કરી ત્યાંના તંત્રએ પણ વિમાનના લેન્ડિંગ પર રોક ના લગાવી, જ્યારે ખુદ ઈરાનમાં આ એર કંપનીના વિમાનના ઉડાણ પર પ્રતિબંધ લગાવી દેવામાં આવ્યો હતો. એટલું જ નહિ જ્યારે મહાન એર સતત ઉડાણ ભરતું રહ્યું, ત્યારે મધ્ય-પૂર્વ એશિયામાં કોરોના વાયરસનું એપિસેન્ટર બનીને ઈરાન ઉભરી આવ્યું હતું.

Mahan Airએ કર્યું નીચલી કક્ષાનું કામ

બીબીસી અરબીના એક રિપોર્ટ મુજબ ઈરાનની સૌથી મોટી એરલાઈન મહાન એર કેટલાય દેશો સુધી કોરોના વાયરસ ફેલાવવા માટે જવાબદાર છે, કેમ કે તેણે પોતાની સરકારના ઉડાણ પ્રતિબંધોને પણ નહોતા માન્યા અને મુખ્ય રૂપે તેજ મધ્ય-પૂર્વ એશિયામાં કોરોના વાયરસ ફેલાવવાનું સૌથી મોટું કારણ બની ગઈ. રિપોર્ટમાં લાંબી તપાસ બાદ દાવો કરવામાં આવ્યો કે ઈરાનમાં શરૂથી જ કોવિડ 19 સંક્રમણથી ખરાબ હાલ હતા, છતાં આ એરવેઝે ઈરાનથી ઈરાક, સંયુક્ત અરબ અમીરાત અને સીરિયા જેવા દેશોમાં સેંકડો ઉડાણ ભરી અને સંક્રમિત યાત્રીઓને એકે બીજા દેશ સુધી પહોંચાડ્યા.

પ્રતિબંધો છતાં ઉડતું રહ્યું વિમાન

આશંકા છે કે મહાન એરવેઝની મોટાભાગની ફ્લાઈટમાં કોરોના વાયરસ પોઝિટિવ યાત્રીઓએ સફર ખેડી અને આ ખેલ જાન્યુઆરીના અંતથી માર્ચના અંત સુધી ચાલતો રહ્યો. આ તમામ દેશોએ મહાન એરવેઝને પોતાની ધરતી પર લેન્ડ થવાની મંજૂરી આપી દીધી. સૌથી મોટી વાત એ છે કે દે દેશની આ એર કંપની છે તે ઈરાને જ ઉડાણ પર પ્રતિબંધ લગાવી દીધો તેવા સમયે પણ આ ફ્લાઈટ ઉડતી રહી.

આ કારણે મંજૂરી મળી

સૌથી ડરામણી વાત તો એ છે કે મહાન એરલાઈન સૂત્રોના હવાલેથી જણાવવામાં આવ્યું કે મહાન એરવેઝના ડઝનેક ક્રૂ મેમ્બર્સમાં કોવિડ 19ના લક્ષણ સ્પષ્ટ દેખાઈ રહ્યા હતા અને જ્યારે સ્ટાફે એરલાઈન્સ મેનેજમેન્ટને આ સંકટ વિશે જણાવ્યું અને સેફ્ટી ઈક્વિપમેન્ટની માંગ કરી તો ડરાવી-ધમકાવીને તેમને ચુપ કરાવી દીધા. ઉલ્લેખનીય છે કે ઈરાનના તાકાતવર ઈરાની રિવૉલ્યુશનરી ગાર્ડથી સંબંધો હોવાના કારણે અમેરિકાએ મહાન એર પર પ્રતિબંધ લગાવી રાખ્યો છે અને કદાચ આ કરણે જ ઈરાને તેને ચીન આવવા-જવા માટે મંજૂરી આપી દીધી હતી.

મહાન એર ચીનથી ઈરાન લાવ્યું કોરોના?

જાણકારી મુજબ ઈરાક અને લેબનાનમાં કોવિડ 19ના જે પહેલા સત્તાવાર મામલા સામે આવ્યા તે પણ મહાન એરથી જ ત્યાં પહોંચ્યા હતા. દંગ કરતી વાત તો એ છે કે જ્યારે ઈરાનમાં કોરોનાનો કહેર શરૂ થયો તો તેણે તરત જ ચીનથી આવતી બધી ફ્લાઈટ પર પ્રતિબંધ લગાવી દીધો હતો. છતાં 31 જાન્યુઆરીથી ગત 20 એપ્રિલ સુધી મહાન એરવેઝની ચીનથી અવરજવર ચાલુ રહી. ફ્લાઈટ ટ્રેકિંગ ડેટાના વિશ્લેષણના આધારે આ કુલાસો થયો છે. આ એરવેઝના કારણે જ ઈરાન કપરી સ્થિતિમાંથી પસાર થઈ રહ્યું હોવાનો અંદાજો લગાવવામાં આવી રહ્યો છે.

મહાન એરના જૂઠનો પર્દાફાશ

સૌથી ગંભીર વાત તો એ છે કે ઈરાન સરકારના આદેશોની ધજ્જિયાં ઉડાવતાં આ બધું કરવામાં આવ્યું. એરલાઈન્સનો દાવો છે કે તે રાહત સામગ્રીઓ પહોંચાડી રહી હતી. પરંતુ ફ્લાઈટ ડેટા રેકોર્ડ પણ જણાવે છે કે 5 ફેબ્રુઆરી સુધી 6 વિમાનમાં રાહત સામગ્રી પહોંચાડવામાં આવી અને 4માં ચીનથી ઈરાની નાગરિકોને ઈલાન લાવવામાં આવ્યા. પરંતુ આ સમગ્ર સચ્ચાઈ નથી. તપાસમાં માલૂમ પડ્યું કે એ તારીખ બાદ પણ 157 ઉડાણ ભરવામાં આવી. મોટી વાત તો એ છે કે જ્યારે ઈરાનને ખુદ કંઈ સૂજી નહોતું રહ્યું તો ત્યારે ચીનને કેમ મદદ મોકલી રહ્યું હશે તે સૌથી મોટો સવાલ છે.

કેટલા દેશ સુધી પહોંચ્યો કોરોના?

સ્પષ્ટ છે કે જે સમયે ચીનમાં કોરોનાનો કહેર ચરમ સીમા પર હતો, ત્યારે એકલા મહાન એરના વિમાને જ ત્યાંથી લોકોને ઈરાન સુધી લાવી રહ્યું હતું અને પછી મધ્ય પૂર્વના બીજા દેશો સુધી પણ પહોંચાડી રહ્યું હતું. ત્યાં સુધીમાં ઈરાનમાં પણ હાલત બગડવી શરૂ થઈ ગઈ હતી. જણાવવું જરૂરી છે કે જે વિમાન ચીનથી તેહરાન આવતા હતા, તેજ આગળ બાર્સિલોના, દુબઈ, કુઆલાલંપુર અને ઈસ્તાંબુલ પણ જતા હતા. એટલે કે આ વિમાનોએ ચીનથી કોરોનાને આગળ ફેલાવવાનું કામ કર્યું.

મહાન એરનો ટ્રેક રેકોર્ડ ખરાબ

આ વિમાન કંપનીનો ટ્રેક રેકોર્ડ પહેલેથી જ ખરાબ છે. અમેરિકાએ 2011માં જ આ એરલાઈન પર આતંકી સમર્થક હોવાનો આરોપ લગાવી ચૂક્યું છે. સાઉદી અરબમાં પણ તેની એન્ટ્રી પર પ્રતિબંધ છે અને આ કંપનીના પ્લેન જર્મની, ફ્રાંસ, સ્પેન કે ઈટેલીમાં પણ ઉતરી નથી શકતા.

English summary

Iran's Mahan Air aircrafts flying with infected passengers,spread Coronavirus in many countries