• search
For Quick Alerts
ALLOW NOTIFICATIONS  
For Daily Alerts
Oneindia App Download

પુતિનને મળવા મૉસ્કો પહોંચ્યા ઈઝરાયેલી PM, યુક્રેન સંકટ પર થઈ વાતચીત

|
Google Oneindia Gujarati News

મૉસ્કોઃ ઈઝરાયેલના પ્રધાનમંત્રી નફ્તાલી બેનેટે યુક્રેન સંકટને લઈને રશિયાના રાષ્ટ્રપતિ વ્લાદિમીર પુતિન સાથે મૉસ્કોમાં મુલાકાત કરી. ઈઝરાયેલ આ પહેલા આ વિવાદના સમાધાન માટે મધ્યસ્થતાની રજૂઆત કરી ચૂક્યુ છે. ઈઝરાયેલી પીએમના મૉસ્કો પહોંચવાને ઘણુ મહત્વનુ સમજવામાં આવી રહ્યુ છે. અચાનકથી નફ્તાલીનુ મૉસ્કો પહોંચવુ ઘણુ મહત્વનુ માનવામાં આવી રહ્યુ છે. ઈઝરાયેલને આ સ્થિતિમાં સંભવિત મધ્યસ્થ તરીકે જોવામાં આવતો રહ્યુ છે.

રશિયા-યુક્રેનમાં ચાલી રહેલ યુદ્ધના 10માં દિવસે ઈઝરાયેલના પ્રધાનમંત્રી નફ્તાલી બેનેટ શનિવારે મૉસ્કો પહોંચ્યા જ્યાં તેમણે રાષ્ટ્રપતિ વ્લાદિમીર પુતિન સાથે મુલાકાત કરી. રાષ્ટ્રપતિ વ્લાદિમીર પુતિન અને બેનેટ વચ્ચે અઢી કલાકથી પણ વધુ સમય સુધી વાતચીત થઈ. ઈઝરાયેલે રશિયા અને યુક્રેન વચ્ચે સંઘર્ષમાં મધ્યસ્થી કરવાની રજૂઆત કરી પરંતુ અધિકારીઓએ સફળતાની આશા ઘટાડી દીધી છે.

જ્યારે સંયુક્ત રાજ્ય અમેરિકાના નજીકના સહયોગી ઈઝરાયેલે રશિયાના આક્રમણની નિંદા કરી હતી અને કીવ સાથે એકજૂટતા વ્યક્ત કરી. ઈઝરાયેલ યુક્રેનને માનવીય સહાયતા પણ મોકલી ચૂક્યુ છે. ઈઝરાયેલે કહ્યુ છે કે તે સંકટને ઘટાડવામાં મદદ કરવાની આશા સાથે મૉસ્કો સાથે કમ્યુનિકેશન જાળવી રાખશે. રશિયાની સૈન્ય કાર્યવાહી બાદથી ઈઝરાયેલે આ મુદ્દે સંતુલિત વલણ અપનાવવાની કોશિશ કરી છે.

તે સતત બંને દેશોના મોટા નેતૃત્વના સંપર્કમાં છે. બંને પક્ષોને બેલારુસમાં વાતચીતના ટેબલ પર લાવવામાં પણ ઈઝરાયેલની મહત્વની ભૂમિકા સમજવામાં આવી રહી છે. ઈઝરાયેલના વિદેશ મંત્રી યેર લેપિડે જો કે યુક્રેનમાં રશિયાના સૈન્ય કાર્યવાહીની ટીકા કરી છે પરંતુ ઈઝરાયેલના પ્રધાનમંત્રી રશિયા સામે ખુલીને કંઈ પણ બોલતા દેખાઈ રહ્યા નથી.

English summary
Israeli PM Naftali Bennett meets Putin In Moscow to discuss Ukraine Crisis
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X