લીબિયાના વડાપ્રધાન અલી ઝીદાનનું બંદૂકના જોરે અપહરણ
ત્રિપોલી, 10 ઓક્ટોબર: લીબિયાના વડાપ્રધાન અલી ઝીદાનને હથિયારધારી રાજધાનીમાં આવેલ એક હોટલમાંથી અપહરણ કરી લીધું. અપહરણ થતા જ હોટેલના તંત્રએ આ અંગેની જાણકારી મીડિયાને આપી દીધી. કોઇ દેશના વડાપ્રધાનનું અપહરણ ખૂબ જ મોટા અને મહત્વના સમાચાર કહી શકાય.
તાજા અપડેટ અનુસાર ખાસ વાત એ છે કે એક દેશના વડાપ્રધાનનું અપહરણ કોઇ ગોળીબાર થયા વગર જ થયું. હોટલના સુરક્ષાકર્મીઓ અનુસાર હથિયારધારીઓ જુદા જુદા વાહનોમાં આવ્યા અને સુરક્ષાગાર્ડો પર બંદૂક તાકી દીધી પછી ખૂબ જ શાંતિપૂર્ણ રીતે વડાપ્રધાનને વાહનમાં બેસાડીને લઇ ગયા.
જેમ આ સમાચાર ફેલાયા, એવા જ વડાપ્રધાન કાર્યાલથી એક સૂચના જારી કરવામાં આવી કે આ અપહરણના સમાચાર ખોટા છે, વડાપ્રધાન ઝીદાન ફરવા માટે ગયા છે. પરંતુ પીએમઓ તરફથી થોડા સમયના અંતરે જ માહિતી મળી કે તેમને ખોટી માહિતી અપહરણકર્તાઓના દબાણમાં આપવી પડી હતી.
સૌથી પહેલા આવ્યા હતા આ સમાચાર
કોરિંથિયા હોટલના અધિકારીએ સ્થાનીય ન્યૂઝ ચેનલોને જણાવ્યું કે ઝીદાન અત્રે રોકાયેલા છે. અચાનક અલગ અલગ પ્રકારના હથિયારો સાથે કેટલાંક લોકો હોટલમાં દાખલ થયા અને સુરક્ષાતંત્રને છેતરીને હોટલની અંદર દાખલ થઇ ગયા. ત્યાંથી વડાપ્રધાનનું અપહરણ કરીને લઇ ગયા. સરકારી અધિકારીઓએ હજી આ વાતની ખરાઇ નથી કરી.
Click it and Unblock the Notifications
Sign in with Google
