લંડનના રેલ્વે સ્ટેશન પર બોમ્બ બ્લાસ્ટ, અનેક લોકો ઇજાગ્રસ્ત
લંડનના રેલ્વે સ્ટેશન પર થયો બોમ્બ બ્લાસ્ટ. સફેદ રંગના કન્ટેન્ફરમાં થયો વિસ્ફોટ. અનેક લોકો ઇજાગ્રસ્ત થયા હોવાની ખબર મળી.
લંડનના અંડર ગ્રાઉન્ડ રેલ્વે સ્ટેશનમાં બોમ્બ વિસ્ફોટના ખબર આવ્યા છે. લંડનના સાઉથ ફર્સ્ટ પાર્સેંન્સ ગ્રીન રેલ્વે સ્ટેશન પર હુમલો થયો છે. ટ્રેનની અંદર એક સફેદ રંગના કન્ટેનર દ્વારા બોમ્બ બ્લાસ્ટ થયો છે. જેના કારણે અનેક યાત્રીઓ દાઝી ગયા છે. બ્લાસ્ટ થતા સ્ટેશન પર લોકોની નાસભાગ પણ જોવા મળી હતી. જો કે ઇજાગ્રસ્તોને પાસેથી હોસ્પિટલમાં લઇ જવામાં આવ્યા છે. જ્યાં હાલ તેમની સારવાર ચાલે છે. સાથે જ પોલીસે પણ તપાસ શરૂ કરી દીધી છે. અને સમગ્ર વિસ્તારની નાકાબંધી કરી સર્ચ ઓપરેશન શરૂ કરવામાં આવ્યું છે. સાથે જ લોકોને લંડન રેલ્વે સ્ટેશનમાં પ્રવેશ કરતા રોકવામાં આવ્યા છે.
જો કે લંડનની પોલીસે આ ઘટનાને આતંકી હુમલો સ્વીકારવાનું ટાળ્યું છે. હાલ આ અંગે તપાસ થઇ રહી છે કે આ કોઇ આતંકી હુમલો છે કે પછી કોઇ અકસ્માત. સાથે જ ટ્રેન સ્ટ્રેશન પર સ્પેશ્યલ કમાન્ડોની ટીમ પણ પહોંચી ગઇ છે. વધુ વિસ્ફોટ બાદ લોકોએ ભાગદોડ કરતા પણ કેટલાક લોકો ઇજાગ્રસ્ત થયા છે. પણ હાલ સ્થિતિ કાબુમાં છે તેમ ત્યાંની પોલીસે જણાવ્યું છે.
Click it and Unblock the Notifications
Sign in with Google
