Modi Russia Visit: PM મોદી અને પુતિનની મુલાકાત દરમિયાન સાથે રહેલી આ મહિલા કોણ છે?
Modi Russia Visit: વડાપ્રધાન નરેન્દ્ર મોદી રશિયાની બે દિવસીય મુલાકાતે સોમવારે સાંજે મોસ્કો પહોંચ્યા હતા. વડાપ્રધાન મોદીનું અહીં ભવ્ય સ્વાગત કરવામાં આવ્યું હતું.
રશિયાના રાષ્ટ્રપતિ વ્લાદિમીર પુતિને ભારતીય વડાપ્રધાનનું તેમના સત્તાવાર નિવાસસ્થાને ખૂબ જ ઉષ્માભર્યું સ્વાગત કર્યું હતું.
જ્યારે વડાપ્રધાન મોદી રશિયન રાષ્ટ્રપતિના સત્તાવાર નિવાસસ્થાને પહોંચ્યા, ત્યારે પુતિન તેમના સ્વાગત માટે ત્યાં પહેલેથી જ ઉભા હતા.
વડાપ્રધાન મોદી પોતાની કારમાંથી બહાર આવતા જ રાષ્ટ્રપતિ પુતિને પહેલા તેમની સાથે હાથ મિલાવ્યા અને પછી તેમને ગળે લગાવ્યા અને તેમના ગાઢ સંબંધને વ્યક્ત કર્યો હતો.
જોકે, વડાપ્રધાન મોદી અને રાષ્ટ્રપતિ પુતિન વચ્ચેની મુલાકાત દરમિયાન એક મહિલાએ ઘણા લોકોનું ધ્યાન ખેંચ્યું હતું. ઘણા લોકો જાણવા માંગે છે કે, આ મહિલા કોણ છે, જે વડાપ્રધાન મોદી અને રાષ્ટ્રપતિ પુતિન સાથે પડછાયાની જેમ હાજર છે.
વાસ્તવમાં વડાપ્રધાન મોદી અને રાષ્ટ્રપતિ પુતિન તેમની માતૃભાષામાં જ વાત કરવાનું પસંદ કરે છે. સોમવારે એક ખાનગી ડિનર દરમિયાન વડાપ્રધાન મોદી સાથેની મુલાકાત દરમિયાન પુતિન રશિયનમાં બોલતા જોવા મળ્યા હતા અને વડાપ્રધાન મોદી પણ તેમની સાથે હિન્દીમાં વાત કરી રહ્યા હતા.
આવી સ્થિતિમાં, બંને દેશોના વડાઓ એકબીજાને સમજી શકે તે માટે, બંને દેશોમાંથી દ્વિભાષીઓને રાખવામાં આવ્યા હતા અને આ મહિલા તેમાંથી એક હતી.
આ મહિલાને રશિયાએ હાયર કરી હતી, તે રાષ્ટ્રપતિ પુતિનના શબ્દોનો રશિયનમાંથી હિન્દીમાં અનુવાદ કરીને પીએમ મોદીને કહી રહી હતી.
પીએમ મોદી અને રાષ્ટ્રપતિ પુતિન વચ્ચેની મુલાકાત દરમિયાન આ મહિલા અને ભારત દ્વારા તૈનાત અનુવાદક પણ તેમની સાથે હાજર હતા.
ઉલ્લેખનીય છે કે, તેમના ઘરે આયોજિત આ અનૌપચારિક બેઠક દરમિયાન રાષ્ટ્રપતિ પુતિને વડાપ્રધાન મોદીની ભારતની પ્રગતિ માટે કરેલા કામની પ્રશંસા કરી હતી. તેમણે વડાપ્રધાન મોદીને કહ્યું, હું તમને ફરીથી વડાપ્રધાન તરીકે ચૂંટાવા બદલ અભિનંદન આપવા માંગુ છું. મને લાગે છે કે આ કોઈ સંયોગ નથી, પરંતુ તમારા ઘણા વર્ષોના કામનું પરિણામ છે.
બીજી તરફ, વડાપ્રધાન મોદીએ પણ નોવો-ઓગાર્યોવો (રશિયન રાષ્ટ્રપતિનું નિવાસસ્થાન) માં તેમની યજમાની કરવા બદલ રાષ્ટ્રપતિ પુતિનનો આભાર વ્યક્ત કર્યો હતો.
તેમણે સોશિયલ મીડિયા પ્લેટફોર્મ X પર એક પોસ્ટમાં કહ્યું, અમે આવતીકાલની અમારી વાતચીતની પણ આતુરતાથી રાહ જોઈ રહ્યા છીએ, જે ચોક્કસપણે ભારત અને રશિયા વચ્ચે મિત્રતાના બંધનને વધુ મજબૂત કરવામાં મહત્વપૂર્ણ સાબિત થશે.'
યુક્રેન અને રશિયા વચ્ચેના યુદ્ધ બાદ પહેલીવાર મોસ્કો પહોંચેલા વડાપ્રધાન મોદી મંગળવારે રશિયાના રાષ્ટ્રપતિ વ્લાદિમીર પુતિન સાથે શિખર મંત્રણા કરશે. આ મુલાકાતને વ્યાપક ભૂ-રાજકીય સંદર્ભ અને સંકેત તરીકે જોવામાં આવી રહી છે.
🇷🇺🇮🇳 At the Novo-Ogaryovo residence of the President of #Russia near #Moscow, Vladimir Putin & #India’s Prime Minister Narendra Modi @narendramodi, who is on a two-day official visit to Russia, hold an informal meeting.
— Russia in India 🇷🇺 (@RusEmbIndia) July 8, 2024
The talks will cover prospects for further development of… pic.twitter.com/EAteQAqJLk
Click it and Unblock the Notifications
Sign in with Google
