ચીનની વધુ 54 એપ્સ ભારતમાં બેન, એક જ દિવસમાં અધધ આટલા અરબનું નુકસાન!
કેન્દ્ર સરકારે સોમવારે દેશમાં ફ્રી ફાયર સહિત 54 ચાઈનીઝ એપ્સ પર પ્રતિબંધ મૂક્યો છે. ભારતે અચાનક સૌથી લોકપ્રિય મોબાઈલ ગેમિંગ ટાઈટલ પર પ્રતિબંધ મૂક્યા બાદ ચીનની કંપની સી લિ.ને મોટો આંચકો લાગ્યો છે.
નવી દિલ્હી, 15 ફેબ્રુઆરી : કેન્દ્ર સરકારે સોમવારે દેશમાં ફ્રી ફાયર સહિત 54 ચાઈનીઝ એપ્સ પર પ્રતિબંધ મૂક્યો છે. ભારતે અચાનક સૌથી લોકપ્રિય મોબાઈલ ગેમિંગ ટાઈટલ પર પ્રતિબંધ મૂક્યા બાદ ચીનની કંપની સી લિ.ને મોટો આંચકો લાગ્યો છે. મોબાઇલ ગેમિંગ ટાઇટલ પર પ્રતિબંધને પગલે, સી લિ. ની માર્કેટ વેલ્યૂ 16 બિલિયન ડોલરથી વધુ ઘટી ગયું છે, જે કંપની માટે એક જ દિવસમાં સૌથી મોટો ઘટાડો છે. રોકાણકારોને લાગે છે કે પ્રતિબંધ કંપનીની સમસ્યાઓની માત્ર શરૂઆત છે.
સિંગાપોર સ્થિત સી લિમિટેડ 2017 માં સાર્વજનિક થઈ અને તેની ગેમિંગ, ઈ-કોમર્સ અને નાણાકીય સેવાઓની ઓફરને વિસ્તૃત કરવાની ક્ષમતાના આધારે દક્ષિણપૂર્વ એશિયામાં સૌથી મૂલ્યવાન કંપની બની. સ્ટાર્ટઅપની સ્થાપના ફોરેસ્ટ લી દ્વારા કરવામાં આવી હતી, જેનો જન્મ ચીનમાં થયો હતો પરંતુ હવે તે સિંગાપોરના નાગરિક છે. તેની સૌથી મોટી શેરહોલ્ડર ચીનની સોશિયલ મીડિયા જાયન્ટ ટેનસેન્ટ હોલ્ડિંગ્સ લિમિટેડ છે.
તમને જણાવી દઈએ કે ભારતે છેલ્લા બે વર્ષમાં સેંકડો ચાઈનીઝ એપ્સ પર પ્રતિબંધ મૂક્યો છે, પરંતુ આ પોલિસીના વિસ્તરણથી મેનેજમેન્ટ અને રોકાણકારો આશ્ચર્યચકિત છે. રોકાણકારોને ચિંતા છે કે ભારત સી અન્ય એક બિઝનેસ શોપી પર સંભવિત પ્રતિબંધો લાદી શકે છે. ડિસેમ્બર સુધીમાં તેની પાસે લગભગ 300 કર્મચારીઓ અને 20,000 સ્થાનિક વિક્રેતાઓ હતા. માહિતી અનુસાર, લીએ સોમવારે તેની વાર્ષિક સામાન્ય સભામાં શેરધારકોને ખાતરી આપી હતી કે કંપનીની પરિસ્થિતિ પર પકડ છે. તેમણે ભારતમાં ફ્રી ફાયર પ્રતિબંધ અંગે કોઈ ટિપ્પણી કરી ન હતી. ઈન્ડસ્ટ્રી ટ્રેકર એપ એની અનુસાર, ફ્રી ફાયર ગેમ 2021ના ત્રીજા ક્વાર્ટરમાં ભારતમાં સૌથી વધુ કમાણી કરનાર મોબાઈલ ગેમ હતી.
સીનો ન્યૂયોર્ક સ્ટોક રાતોરાત 18 ટકાથી વધુ ઘટ્યો હતો. ભારતમાં એપ પરના પ્રતિબંધે આંચકો આપ્યો છે. ઑક્ટોબરથી શૅરોએ લગભગ બે તૃતીયાંશ કિંમત ગુમાવી છે. સી દક્ષિણપૂર્વ એશિયાની સૌથી મોટી સફળતાની વાર્તાઓમાંની એક છે. તેની વાર્ષિક આવક $10 બિલિયન છે.
ઈન્ડસ્ટ્રી ટ્રેકર એપ એની અનુસાર, ફ્રી ફાયર એ 2021 ના ત્રીજા ક્વાર્ટરમાં ભારતમાં સૌથી વધુ કમાણી કરનાર મોબાઈલ ગેમ હતી. જેપી મોર્ગનના વિશ્લેષક રંજન શર્માએ સીની ગેમિંગ ફ્રેન્ચાઈઝી અંગેની ચિંતાઓને ટાંકીને તેનો ભાવ લક્ષ્યાંક 40 ટકા ઘટાડી $250 કર્યો છે.