પાકિસ્તાનમાં કોની સરકાર, નવાઝ શરીફ અને ઈમરાન બંનેએ કર્યો જીતનો દાવો, ફાઈનલ રિઝલ્ટ હજુ બાકી

Pakistan Election Results: પાકિસ્તાનમાં સંસદીય અને પ્રાંતીય ચૂંટણી માટે હજુ મતગણતરી ચાલી રહી છે. પાકિસ્તાનના ચૂંટણી પંચે (ECP) હજુ અંતિમ ચૂંટણી પરિણામો જાહેર કર્યા નથી. જોકે, બે અલગ-અલગ પક્ષોના બે મુખ્ય રાજકીય નેતાઓએ સામાન્ય ચૂંટણીમાં જીતનો દાવો કર્યો છે.

પાકિસ્તાન તહરીક-એ-ઈન્સાફ (પીટીઆઈ)ના ઈમરાન ખાન અને પાકિસ્તાન મુસ્લિમ લીગ-એન (પીએમએલ-એન)ના નવાઝ શરીફ બંનેએ સરકાર બનાવવાનો દાવો કર્યો છે.

પાકિસ્તાનના ભૂતપૂર્વ વડા પ્રધાન નવાઝ શરીફને દેશની સંસદીય ચૂંટણીમાં તેમના પક્ષની જીતની આશા હતી પરંતુ શરીફ હવે સત્તા માટેના પડકારરૂપ માર્ગનો સામનો કરી રહ્યા છે. તેમના જેલમાં બંધ હરીફ ઈમરાન ખાન દ્વારા સમર્થિત અપક્ષ ઉમેદવાર અણધારી રીતે મજબૂત પ્રદર્શનમાં આગળ છે.

Pakistan Election Results: પાકિસ્તાનમાં કઈ પાર્ટી કેટલી સીટો પર આગળ છે?

જિયો ન્યૂઝ દ્વારા 266માંથી 241 બેઠકો માટેના બિનસત્તાવાર અસ્થાયી પરિણામોમાં, પાકિસ્તાન તહરીક-એ-ઈન્સાફ (પીટીઆઈ) દ્વારા સમર્થિત અપક્ષ ઉમેદવારો 97 બેઠકો સાથે આગળ છે. સૌથી મોટી પાર્ટી તરીકે ઉભરી રહેલી પાકિસ્તાન મુસ્લિમ લીગ-નવાઝ (PML-N)એ 72 સીટો જીતી છે.

પાકિસ્તાન પીપલ્સ પાર્ટી (PPP)એ 52 સીટો જીતી છે. જ્યારે મુત્તાહિદા કૌમી મૂવમેન્ટ-પાકિસ્તાન (MQM-P) એ 15 બેઠકો જીતી છે, જમિયત-એ-ઉલામી-ફૈઝલ (JUI-F) એ 3 બેઠકો અને બલૂચિસ્તાન નેશનલ પાર્ટીએ 2 બેઠકો જીતી છે.

પાકિસ્તાનના પૂર્વ પીએમ ઈમરાન ખાને પણ શનિવારે તેમના એઆઈ અવાજમાં 'વિજય ભાષણ' રજૂ કર્યું છે. જેમાં તેમણે કહ્યું છે કે પાકિસ્તાન મુસ્લિમ લીગ-નવાઝ (PML-N)ના સુપ્રીમો નવાઝ શરીફનો 'લંડન પ્લાન' મતદાનના દિવસે મતદારોની વિશાળ ભાગીદારીને કારણે નિષ્ફળ ગયો છે.

સરકાર બનાવવાનો દાવો કરતા ઈમરાન ખાનની પાર્ટી PTIએ કહ્યું છે કે અમને પંજાબ, ખૈબર પખ્તુનખ્વા અને કેન્દ્રમાં બહુમતી મળી છે. તેથી અમે આ ત્રણ જગ્યાએ સરકાર બનાવવા જઈ રહ્યા છીએ. પૂર્વ વડાપ્રધાન ઈમરાન ખાને કહ્યું કે પાકિસ્તાન મુસ્લિમ લીગના વડા નવાઝ શરીફનું લંડન આયોજન નિષ્ફળ ગયું છે. મોટી સંખ્યામાં મતદારોએ જે રીતે મતદાન કર્યું તેના કારણે તેમને શરમજનક હારનો સામનો કરવો પડ્યો હતો.

ઈમરાન ખાને કહ્યું કે મારા વ્હાલા દેશવાસીઓ, આટલી મોટી સંખ્યામાં વોટ આપવા માટે તમારો આભાર. તમે નાગરિકોના અધિકારો સુનિશ્ચિત કરવાનો શિલાન્યાસ કર્યો છે. હું તમને બધાને અભિનંદન આપું છું, તમે આ ચૂંટણીમાં અમારી જીતને સંપૂર્ણ સમર્થન આપ્યું છે. મને તમારામાં પૂરો વિશ્વાસ હતો કે તમે મોટી સંખ્યામાં મતદાન કરવા આવશો. તમે મારો વિશ્વાસ જાળવી રાખ્યો અને આટલી મોટી સંખ્યામાં મતદાન કરીને મને આશ્ચર્યચકિત કરી દીધું.

તમારા સક્રિય સહકારને કારણે લંડન પ્લાન નિષ્ફળ ગયો. નવાઝ શરીફ ઓછા દિમાગના માણસ છે, માત્ર 30 સીટો મળવા છતાં તેમણે વિજયી ભાષણ આપ્યું. આ કોઈ સ્વીકારશે નહીં. ઈમરાન ખાને કહ્યું કે કોઈ પણ પાકિસ્તાની નવાઝ શરીફનું ભાષણ સાંભળશે નહીં. છેડછાડ શરૂ થાય તે પહેલા અમે 150 સીટો જીતી રહ્યા હતા. હાલમાં અમે 170થી વધુ સીટો જીતી રહ્યા છીએ. તમે તારીખ નક્કી કરી છે, મને તમારા પર ગર્વ છે, હું અલ્લાહનો આભાર માનું છું કે તેમણે આપણને સહુને એક ઉચ્ચ સમુદાય બનાવ્યો છે. બે વર્ષના જુલમ પછી પણ અમે 2024ની ચૂંટણીમાં બે તૃતીયાંશ મતોથી જીત્યા છીએ.

قوم کی جانب سے انتخابات میں تاریخی مقابلے، جس کے نتیجے میں تحریک انصاف کو عام انتخابات 2024 میں بے مثال کامیابی میسرآئی،کے بعد چیئرمین عمران خان کا(مصنوعی ذہانت سے تیار کردہ) فاتحانہ خطاب pic.twitter.com/8yQqes4nO9

— Imran Khan (@ImranKhanPTI) February 9, 2024

English summary

Pakistan Election Result: No clear victory, PML-N Nawaz Sharif and PTI Imran Khan both claim win.