પાકિસ્તાન: બલુચિસ્તાનની મસ્જિદમાં આત્મઘાતી હુમલો, DSP સહિત 52 લોકોના મોત, 130 ઘાયલ

Published: Friday, September 29, 2023, 14:53 [IST]

પાકિસ્તાનના બલૂચિસ્તાનમાં એક મસ્જિદ પાસે થયેલા બોમ્બ વિસ્ફોટમાં ઓછામાં ઓછા 52 લોકોના મોત થયા છે. તે જ સમયે, 130 થી વધુ લોકો ઘાયલ થયા છે. આ ઘટના શુક્રવારે મસ્તુંગ જિલ્લામાં બની હતી. બોમ્બ બ્લાસ્ટ ત્યારે થયો જ્યારે લોકો ઈદ મિલાદુન નબીની ઉજવણીમાં વ્યસ્ત હતા.

પ્રારંભિક માહિતી અનુસાર, વિસ્ફોટમાં એક નાયબ પોલીસ અધિક્ષક (ડીએસપી)નું મૃત્યુ થયું છે. જિલ્લા પ્રશાસને કહ્યું કે મસ્તુંગના નાયબ પોલીસ અધિક્ષક (ડીએસપી) નવાઝ ગશકોરી પણ મૃતકોમાં સામેલ હતા.

શહીદ નવાબ ગૌસ બખ્શ રાયસાની મેમોરિયલ હોસ્પિટલના ચીફ એક્ઝિક્યુટિવ ઓફિસર ડૉ. સઈદ મીરવાનીએ Dawn.comને મૃતકોની સંખ્યાની પુષ્ટિ કરી. મસ્તુંગ જિલ્લામાં લગભગ બે અઠવાડિયામાં આ બીજો મોટો બ્લાસ્ટ છે.

મસ્તુંગના આસિસ્ટન્ટ કમિશનર (AC) અતાહુલ મુનિમે જણાવ્યું હતું કે અલફલાહ રોડ પર મદીના મસ્જિદ પાસે લોકો ઈદ-એ-મિલાદુન નબીના જુલૂસ માટે ભેગા થઈ રહ્યા હતા ત્યારે વિસ્ફોટ થયો હતો. પોલીસ અધિકારી અતાહુલ મુનીમે જણાવ્યું કે વિસ્ફોટ ડીએસપી ગિશકોરીની કારમાંથી થયો હતો, જેમને જુલુસની દેખરેખ માટે સોંપવામાં આવ્યો હતો.

એસએચઓ લહેરીએ કહ્યું કે આ એક આત્મઘાતી હુમલો હતો જેમાં હુમલાખોરે ડીએસપી ગિશકોરીની કારની બાજુમાં પોતાની જાતને ઉડાવી દીધી હતી.

વિસ્ફોટ બાદ જાહેર કરાયેલા વિડિયોમાં ઘણા લોહીથી લથપથ શબ અને શરીરના ટુકડા વિખરાયેલા જોવા મળે છે. જિલ્લા પ્રશાસને આશંકા વ્યક્ત કરી છે કે વિસ્ફોટની તીવ્રતાને જોતા મૃત્યુઆંક વધી શકે છે.

બ્લાસ્ટ બાદ અહીંની તમામ હોસ્પિટલોમાં ઈમરજન્સી જાહેર કરી દેવામાં આવી છે અને હોસ્પિટલના સ્ટાફને તાત્કાલિક પહોંચી જવાની સૂચના આપવામાં આવી છે.આસિસ્ટન્ટ કમિશનર અતાઉલ્લા મુનીમે જણાવ્યું કે બોમ્બ વધુ શક્તિશાળી હતો.

ઈદ મિલાદુન નબીની ઉજવણી માટે મદીના મસ્જિદ પાસે ઘણા લોકો એકઠા થયા હતા. તેથી વિસ્ફોટની અસર વધુ હતી અને વધુ લોકો માર્યા ગયા હતા. જોકે, આ બોમ્બ બ્લાસ્ટ શા માટે થયો અને તેની પાછળ કોનો હાથ છે? આનો ખુલાસો કરવામાં આવ્યો નથી.

#Update: Eid Milad-ul-Nabi procession has been targeted near Al-Falah Masque, District Mastung, #Balochistan. 6 People including Deputy Superintendent of Police (DSP) have died in the blast. pic.twitter.com/imQswG1O5N
— Ghulam Abbas Shah (@ghulamabbasshah) September 29, 2023

છેલ્લા 15 દિવસમાં આ બીજો મોટો વિસ્ફોટ છે જેણે મુસ્તાંગને હચમચાવી નાખ્યું છે. આ મહિને 14 સપ્ટેમ્બરે મસ્તુંગ જિલ્લામાં એક મસ્જિદમાં વિસ્ફોટ થયો હતો જેમાં જમિયત ઉલેમા-એ-ઈસ્લામ ફઝલ (JUI-F)ના નેતા હાફિઝ હમદુલ્લા સહિત ઓછામાં ઓછા 11 લોકો ઘાયલ થયા હતા.

another bad news for Quetta. a blast in mustang. akhir kab tak 💔💔#Quetta #balochistan #PAKvNZ #BabarAzam𓃵 #FakharZaman #ICCCricketWorldCup #PakisCricketTeam #welldonezakaashraf #ODIWorldCup2023 pic.twitter.com/krem96Jdd3
— Talha Zeb (@PakhtoonSoul) September 29, 2023