હથોડીની પોતાનું જ જડબું તોડી રહ્યા છે લોકો, જાણો શું છે નવો સોશિયલ મીડિયા ટ્રેન્ડ?
તમે લોકોને અવનવા સોશિયલ મીડિયા ટ્રેન્ડ અને ચેલેન્જ ફોલો કરતા જોયા હશે. આજકાલ સોશિયલ મીડિયા પર આવા જ એક નવા ટ્રેન્ડની ખુબ ચર્ચા છે.
લોકો સુંદર દેખાવા માટે મોંઘી સર્જરીઓ કરાવે છે પરંતુ તમને જાણીને નવાઈ લાગશે કે આનાથી આગળ આજકાલ લોકો પોતાના જ જડબાને તોડી રહ્યા છે. ચૌકાવનારી બાબત એ છે કે આ ટ્રેન્ડ ઝડપથી વાયરલ થઈ રહ્યો છે.
આપણે જે વિચિત્ર ટ્રેન્ડની વાત કરી રહ્યા છીએ તે સોશિયલ મીડિયા પર ખૂબ વાયરલ થઈ રહ્યો છે. આ ટ્રેન્ડમાં લોકો જાતે જ હથોડીથી પોતાના ચહેરાના હાડકાં તોડી રહ્યા છે.
ન્યૂયોર્ક પોસ્ટના રિપોર્ટ અનુસાર, લોકોને લાગે છે કે આ વિચિત્ર પ્રયોગથી તેમની જડબામાં સુધારો થશે. જો કે આ એટલું પીડાદાયક છે કે તે દરેક લોકો માટે તે શક્ય નથી.
TikTok પર એક ચેલેન્જ ચાલી રહી છે, જેમાં લોકોને સારા જડબા માટે કંઈક અજુગતું કરવાનું કહેવામાં આવી રહ્યું છે. આ હેઠળ ગાલ અથવા જડબાના હાડકા પર હથોડી અથવા સમાન મજબૂત વસ્તુથી વારંવાર હુમલો કરવામાં આવે છે.
આ પ્રયોગ કરનારાઓ કહે છે કે તેનાથી ચહેરા પર નાના-નાના ફ્રેક્ચર થાય છે અને હાડકાનું માળખું આકર્ષક આકાર લે છે. આ ટ્રેન્ડ #bonesmashing ના નામથી લોકપ્રિય થઈ રહ્યો છે, જેને અત્યાર સુધીમાં 2 કરોડથી વધુ લોકો જોઈ ચૂક્યા છે. ઘણા લોકો આ ચેલેન્જને યોગ્ય ઠેરવી રહ્યા છે અને કહ્યું છે કે તેઓ તેને સારી જડબા માટે અપનાવી રહ્યા છે.
આ ચેલેન્જ 2018થી વાયરલ થઈ છે. સાન ફ્રાન્સિસ્કોમાં કામ કરતા ડો.પ્રેમ ત્રિપાઠી નામના પ્લાસ્ટિક સર્જને લોકોને આ અંગે ચેતવણી આપી છે. તેમણે કહ્યું છે કે, જાણી જોઈને તમારા ચહેરાના હાડકાં ન તોડો. જો કે તૂટેલા હાડકાં જાતે જ જોડાશે પરંતુ યોગ્ય રીતે ન થાય અથવા તેમનો આકાર વિકૃત થઈ શકે છે. તેમણે સમજાવ્યું કે તે કસરત દ્વારા તેના જડબામાં સુધારો કરી શકે છે, આવું કરવાની કંઈ જરૂર નથી.
Click it and Unblock the Notifications
Sign in with Google
