કાઠમાંડુમાં લેન્ડિંગ વખતે ક્રેશ થયું બાંગ્લાદેશનું વિમાન
કાઠમાંડુમાં લેન્ડિંગ વખતે ક્રેશ થયું બાંગ્લાદેશનું યાત્રી વિમાન. નેપાળી સેના બચાવ કાર્યમાં ઉતરી. એરપોર્ટ થોડા સમય માટે કરાયું બંધ.
નેપાળની રાજધાની કાઠમાડુંમાં બાંગ્લાદેશનું એક યાત્રી વિમાન લેન્ડિંગ વખતે સંતુલન ગુમાવતા ક્રેશ થયું છે. આ વિમાન બાંગ્લાદેશના US-બાંગ્લા એરલાઇન્સનું હોવાનું જાણવા મળ્યું છે. આ વિમાનમાં 72 લોકો સવાર હતા. માનવામાં આવે છે કે આ દુર્ધટનામાં 50 જેટલા લોકોની મોત થઇ છે. અને 23 લોકો ઇજાગ્રસ્ત છે. આ મામલે પર્યટન મંત્રીના કહેવા મુજબ લેન્ડિંગ દરમિયાન પ્લેન રન વે તરફ વળ્યું અને પાસે જ આવેલા ફૂટબોલ ગ્રાઉન્ડમાં જઇને ક્રેશ થઇ ગયું. વિમાન ઢાકાથી કાઠમાંડુ આવી રહ્યું હતું. જો કે 17 ઇજાગ્રસ્તોને બચાવી લેવામાં આવ્યા હોવાનું જાણવા મળ્યું છે. પ્લેન ક્રેશ થતા જ તાત્કાલિક હવાઇમથકથી અગ્નિશામક દળ અને એમ્બ્યુલન્લ લોકોને બચાવવા દોડી પડી હતી.
અને હાલ પણ ઇજાગ્રસ્ત લોકોને પાસેની હોસ્પિટલમાં ખસેડવામાં આવ્યા છે. વળી બચાવ કાર્યમાં નેપાળી સેના પણ જોડાઇ છે. ક્રેશ પછી એરપોર્ટને બંધ કરી દેવામાં આવ્યું હતું. .અને સોશ્યલ મીડિયામાં પણ આની તસવીરો વાયરલ થઇ છે. હાલ આ ક્રેશ અંગે તપાસ શરૂ કરવામાં આવી છે. સાથે જ રાહત બચાવ કાર્યક્રમ પણ જોરશોરથી ચાલી રહ્યો છે. આ અકસ્માત ભારતીય સમય મુજબ બપોરે 2 વાગે થઇ હતી. ત્યારે આ પ્લેન ક્રેશનો વીડિયો જુઓ અહીં...
#WATCH: A plane has crashed at Tribhuvan International Airport in Kathmandu, Nepal. More details awaited. (Source:Unverified) pic.twitter.com/lpsWrvFjZd
— ANI (@ANI) March 12, 2018