પીએમ મોદી ફરીથી બન્યા દુનિયાના સૌથી લોકપ્રિય નેતા, બાઈડન-સુનક રહી ગયા પાછળ

Published: Saturday, September 16, 2023, 7:23 [IST]

PM મોદીએ વિશ્વભરના નેતાઓમાં લોકપ્રિયતાના મામલે પોતાનું ટોચનું સ્થાન જાળવી રાખ્યું છે. મોર્નિંગ કન્સલ્ટ દ્વારા જાહેર કરાયેલ ગ્લોબલ લીડર એપ્રુવલ રેટિંગ ટ્રેકર રિપોર્ટ અનુસાર, પીએમ મોદીને 76 ટકા ભારતીયોનું સમર્થન છે જ્યારે માત્ર 18 ટકા લોકો તેમની વિરુદ્ધ છે. જ્યારે છ ટકા લોકોએ આ અંગે કોઈ અભિપ્રાય આપ્યો નથી.

સ્વિસ રાષ્ટ્રપતિ એલેન બર્સેટ બીજા ક્રમે છે, જે 64 ટકા છે. જ્યારે મેક્સીકન રાષ્ટ્રપતિ એન્ડ્રેસ મેન્યુઅલ લોપેઝ ઓબ્રાડોરની 61 ટકા લોકોએ પ્રશંસા કરી હતી. તમને જણાવી દઈએ કે અગાઉના રેટિંગમાં પણ પીએમ મોદી ટોપ પર હતા.

આ યાદીમાં બ્રાઝિલના રાષ્ટ્રપતિ લુલા દા સિલ્વા ત્રીજા સ્થાને, ઑસ્ટ્રેલિયાના પીએમ એન્થોની અલ્બેનીઝ ચોથા સ્થાને, ઈટાલીના પીએમ જ્યોર્જિયા મેલોની પાંચમા સ્થાને છે. આ યાદીમાં અમેરિકી રાષ્ટ્રપતિ જો બાઈડન તેમની પાછળ છે.

મોર્નિંગ કન્સલ્ટ અનુસાર, આ લેટેસ્ટ એપ્રુવલ રેટિંગ રિપોર્ટ 6થી 12 સપ્ટેમ્બર, 2023 દરમિયાન એકત્રિત કરવામાં આવેલા ડેટા પર આધારિત છે. અપ્રુવલ રેટિંગ્સ દરેક દેશમાં પુખ્ત નાગરિકોની પ્રતિક્રિયાઓની 7-દિવસની રોલિંગ એવરેજની ગણતરી કરે છે.

રિપોર્ટના નમૂનાનું કદ દેશ પ્રમાણે બદલાય છે. પોલિટિકલ ઇન્ટેલિજન્સ એ મોર્નિંગ કન્સલ્ટનું પ્લેટફોર્મ છે જે રાજકીય ચૂંટણીઓ, ચૂંટાયેલા અધિકારીઓ અને મતદાનના મુદ્દાઓ પર રીઅલ-ટાઇમ મતદાન ડેટા પ્રદાન કરે છે. તમને જણાવી દઈએ કે મોર્નિંગ કન્સલ્ટ દરરોજ 20 હજારથી વધુ વૈશ્વિક ઈન્ટરવ્યુ કરે છે.