PM Modi Egypt Visit : આજે PM મોદી ઇજિપ્તનારાષ્ટ્રપતિ અલ-સીસી સાથે કરશે મુલાકાત
PM Modi Egypt Visit : વડાપ્રધાન નરેન્દ્ર મોદીના ઈજિપ્ત પ્રવાસનો આજે બીજો અને છેલ્લો દિવસ છે. વડાપ્રધાન મોદી આજે 11મી સદીની ઐતિહાસિક અલ-હકીમ મસ્જિદની મુલાકાત લેશે, જેનું ભારતીય બોહરા દાઉદી સમુદાયની મદદથી જીર્ણોદ્ધાર કરવામાં આવ્યું હતું.
જે બાદ તેઓ પ્રથમ વિશ્વ યુદ્ધમાં જીવ ગુમાવનારા 3,799 ભારતીય સૈનિકોને શ્રદ્ધાંજલિ આપવા માટે હેલિયોપોલિસ યુદ્ધ કબ્રસ્તાનની પણ મુલાકાત લેશે.
આ સિવાય વડાપ્રધાન મોદી ઇજિપ્તની રાજધાની કૈરોમાં ઇજિપ્તના રાષ્ટ્રપતિ અબ્દેલ ફતાહ અલ-સીસી સાથે રવિવારના રોજ મુલાકાત કરશે. PMએ શનિવારના રોજ ટ્વીટ કર્યું હતું કે, આ મુલાકાતથી ઇજિપ્ત સાથેના સંબંધો મજબૂત થશે. રાષ્ટ્રપતિ અબ્દેલ ફતાહ અલ-સીસીને મળવાની રાહ જોઈ રહ્યા છીએ.
ભારત અને ઇજિપ્ત વચ્ચેના સંબંધો પ્રાચીન વેપાર અને આર્થિક કડીઓ તેમજ સાંસ્કૃતિક અને લોકો વચ્ચેના ઊંડા સંબંધો પર આધારિત છે.
જાન્યુઆરી 2023 માં રાષ્ટ્રપતિ સિસીની રાજ્ય મુલાકાત દરમિયાન સંબંધોને વ્યૂહાત્મક ભાગીદારી સુધી વધારવા માટે સહમત થયા હતા.
વડાપ્રધાન મોદી ઇજિપ્તના રાષ્ટ્રપતિ અબ્દેલ ફતાહ અલ-સીસીના આમંત્રણ પર ઇજિપ્તની મુલાકાતે છે. તેમણે આ આમંત્રણ જાન્યુઆરી 2023માં લંબાવ્યું હતું, જ્યારે તેમણે ભારતના પ્રજાસત્તાક દિવસની ઉજવણીમાં મુખ્ય અતિથિ તરીકે હાજરી આપી હતી. વડાપ્રધાન મોદીની આ પ્રથમ ઈજિપ્તની મુલાકાત છે.
આ પહેલા શનિવારના રોજ વડાપ્રધાન મોદીના સ્વાગત માટે મોટી સંખ્યામાં ભારતીય મૂળના લોકો કૈરોની રિટ્ઝ કાર્લટન હોટલની બહાર એકઠા થયા હતા. લોકો હાથમાં ત્રિરંગો લઈને ફરતા હતા. તેઓએ વંદે માતરમ, મોદી-મોદીના નારા લગાવ્યા હતા.
આ દરમિયાન જેના નામની છોકરીએ વડાપ્રધાન મોદીની સામે ફિલ્મ શોલેનું ગીત યે દોસ્તી હમ નહીં તોડેંગે ગાયું હતું. વડાપ્રધાને પૂછ્યું હતું કે, તેમણે હિન્દી કેવી રીતે શીખી? જેનાએ કહ્યું કે, તેણીએ ભારતીય ફિલ્મો અને ગીતો સાંભળીને હિન્દી શીખી હતી.
Click it and Unblock the Notifications
Sign in with Google
