રશિયા-યુક્રેન યુદ્ધ પર વ્હાઈટ હાઉસનુ મોટુ નિવેદન, જૉન કિર્બીએ કહ્યુ - પીએમ મોદી રોકી શકે છે યુદ્ધ

વ્હાઈટ હાઉસ તરફથી શુક્રવારે મોટુ નિવેદન સામે આવ્યુ છે જેમાં કહેવામાં આવ્યુ છે કે પીએમ નરેન્દ્ર મોદી પુતિનને યુદ્ધ રોકવા માટે મનાવી શકે છે.

Updated: Saturday, February 11, 2023, 8:23 [IST]

છેલ્લા લગભગ એક વર્ષથી રશિયા અને યુક્રેન વચ્ચે ચાલી રહેલુ યુદ્ધ ખતમ થવાની કોઈ સંભાવના નથી દેખાઈ રહી. આ દરમિયાન શુક્રવારે રશિયા-યુક્રેન યુદ્ધ પર વ્હાઈટ હાઉસ તરફથી એક મોટુ નિવેદન જાહેર કરવામાં આવ્યુ છે. વ્હાઈટ હાઉસના પ્રવકતા જૉન કિર્બીએ કહ્યુ છે કે ભારતના પ્રધાનમંત્રી નરેન્દ્ર મોદી આ યુદ્ધને રોકી શકે છે, જો તે એવી પહેલ કરશે તો અમે તેમના પ્રયાસોનુ સ્વાગત કરીશુ.

અમેરિકી વ્હાઇટ હાઉસ નેશનલ સિક્યુરિટી કાઉન્સિલના પ્રવક્તા જૉન કિર્બીએ પોતાના નિવેદનમાં કહ્યુ છે કે જો વડાપ્રધાન નરેન્દ્ર મોદી રશિયા-યુક્રેન યુદ્ધ પર બોલવા માંગતા હોય તો અમે તેમને આ પ્રયાસ કરવા દઈશુ. તેમણે કહ્યુ કે અમેરિકા પીએમ મોદીના પ્રયાસોનુ સ્વાગત કરશે. જૉન કિર્બીનુ માનવુ છે કે પીએમ મોદી રશિયાના રાષ્ટ્રપતિ વ્લાદિમીર પુતિન સાથે વાત કરી શકે છે અને તેમને આ યુદ્ધ રોકવા માટે મનાવી શકે છે, આમ કરવાથી બંને દેશો વચ્ચેની દુશ્મનાવટ સમાપ્ત થઈ જશે.

આ દરમિયાન જૉન કિર્બીએ રશિયન રાષ્ટ્રપતિ પુતિન પર પણ જોરદાર પ્રહારો કર્યા હતા. તેમણે કહ્યુ કે મને લાગે છે કે રશિયન રાષ્ટ્રપતિ પાસે હજુ પણ યુદ્ધ રોકવાનો સમય છે અને માત્ર પીએમ મોદી જ તેમને આ માટે રાજી કરી શકે છે. કિર્બીએ કહ્યુ કે આ માનવતાવાદી સંકટને રોકવા માટે અમેરિકાએ પશ્ચિમમાં રશિયા પર ઘણા પ્રતિબંધો લગાવ્યા છે જેથી માનવતાને બચાવી શકાય. તેમણે કહ્યુ કે નાગરિકોની સુરક્ષા માટે રશિયાને રોકવા માટે અમેરિકાનો આ પ્રયાસ છે પરંતુ રશિયા 'ડિમોનિટાઇઝેશન' પર ગુસ્સે છે, જેના માટે તે યુક્રેનને દોષી ઠેરવી રહ્યુ છે.

આ દરમિયાન કિર્બીએ પુતિન પર જોરદાર નિશાન સાધતા કહ્યુ કે આજે યુક્રેનમાં સામાન્ય લોકો સાથે જે કંઈ પણ ખરાબ થઈ રહ્યુ છે તેના માટે એક જ વ્યક્તિ જવાબદાર છે અને તે છે પુતિન. કિર્બી જણાવે છે કે તેઓ હજુ પણ યુદ્ધને રોકી શકે છે પરંતુ યુદ્ધને રોકવાને બદલે, રશિયા ઊર્જા અને પાવર ઈન્ફ્રાસ્ટ્રક્ચર પર ક્રુઝ મિસાઈલ ચલાવી રહ્યુ છે અને પ્રકાશને તેમજ ગરમીને ખતમ કરવાનો પ્રયાસ કરી રહ્યુ છે.