Russian Plane Crash : રશિયામાં ભયાનક વિમાન દુર્ઘટના, 50 લોકોના મોત
Russian Plane Crash : રશિયાના અમૂરમાં એક મોટી અને દુઃખદ વિમાન દુર્ઘટના સામે આવી છે, જેમાં અંદાજે 50 લોકોએ જીવ ગુમાવ્યા છે. એક An-24 પેસેન્જર વિમાન ટિંડા એરપોર્ટ પર લેન્ડિંગ કરતા થોડા કિલોમીટર પહેલા જ રડાર પરથી અચાનક ગાયબ થઈ ગયું હતું.
હવે આ ગુમ થયેલા વિમાનનો કાટમાળ મળી આવ્યો છે, અને સ્થાનિક અધિકારીઓએ પુષ્ટિ કરી છે કે વિમાનમાં સવાર તમામ 50 લોકોના મોત થયા છે.
આ દુર્ઘટના ત્યારે બની જ્યારે An-24 મોડેલનું આ વિમાન તેના નિર્ધારિત સ્થળ ટિંડા તરફ આગળ વધી રહ્યું હતું. ટિંડા રશિયાના પૂર્વમાં આવેલો વિસ્તાર છે, જે ચીનની સરહદને અડીને આવેલો છે.
રશિયન સમાચાર એજન્સી TASS અનુસાર, આ વિમાન ટિંડા એરપોર્ટથી થોડા કિલોમીટર દૂર એક નિર્ધારિત ચેકપોઈન્ટ પર સંપર્ક કરી શક્યું ન હતું અને ત્યારથી તેનો કોઈ પત્તો લાગ્યો ન હતો.
આ વિમાન સાઇબિરીયાની પ્રાદેશિક એરલાઇન અંગારા દ્વારા સંચાલિત કરવામાં આવી રહ્યું હતું. રોઇટર્સના અહેવાલ મુજબ, રશિયન ઇમરજન્સી સેવા અધિકારીઓએ જણાવ્યું કે પ્રારંભિક માહિતી મુજબ વિમાનમાં સવાર તમામ લોકોના મોત થયા છે.
આ ઘટનાએ રશિયાની વિમાનન સુરક્ષા વ્યવસ્થા પર ફરીથી ગંભીર પ્રશ્નો ઉભા કર્યા છે. આ પ્રકારની ઘટનાઓ ભવિષ્યમાં ન બને તે માટે સુરક્ષા પગલાં વધુ મજબૂત કરવાની જરૂરિયાત પર ભાર મુકે છે.
Click it and Unblock the Notifications
Sign in with Google
