31 ઓગસ્ટ સુધીમાં અફઘાનિસ્તાન ખાલી કરવા તાલિબાનની અમેરિકાને ધમકી!
અફઘાનિસ્તાનમાંથી અમેરિકન સૈનિકોને પાછા ખેંચવાનું ઓપરેશન 31 ઓગસ્ટ સુધીમાં પૂર્ણ થશે. આ દરમિયાન તાલિબાનોએ દેશ છોડીને જતા સૈનિકોને લઈને અમેરિકાને ખુલ્લેઆમ ધમકી આપી છે. તાલિબાનનું કહેવું છે કે જો 31 ઓગસ્ટ સુધીમાં સૈનિકો પાછી ખેંચી લેવામાં નહીં આવે તો અમેરિકાને ભયંકર પરિણામોનો સામનો કરવો પડશે. અમેરિકી રાષ્ટ્રપતિએ અગાઉ સૈનિકોને પાછા ખેંચવા માટે 11 સપ્ટેમ્બરની તારીખ નક્કી કરી હતી, જે બાદમાં બદલીને 31 ઓગસ્ટ કરવામાં આવી હતી.
તાલિબાનની અમેરિકાને ધમકી
તાલિબાનના પ્રવક્તા સુહેલ શાહીને જણાવ્યું હતું કે અમેરિકી રાષ્ટ્રપતિએ સ્પષ્ટ કરી દીધું છે કે 31 ઓગસ્ટ સુધીમાં સૈનિકો પાછા ફરી જશે. તેણે પોતાની વાત પર વળગી રહેવું જોઈએ. તાલિબાને ધમકી આપી છે કે તે 31 ઓગસ્ટ પછી એક દિવસનો સમય નહીં આપે. જો તેને સૈનિકો પાછા બોલાવવા માટે વધુ સમય માંગવામાં આવ્યો તો જવાબ ના હશે. સાથે જ આ દેશોને તેના ગંભીર પરિણામો પણ ભોગવવા પડી શકે છે.
31 ઓગસ્ટ સુધીમાં અફધાનિસ્તાન ખાલી કરો
અફઘાનિસ્તાનની સત્તા કબજે કર્યા પછી પણ તાલિબાનની યોજનાઓ પૂર્ણ થઈ નથી. તે આખા દેશને કબજે કરવા આગળ વધી રહ્યુ છે. સોમવારે સમાચાર મળ્યા હતા કે તાલિબાને બગલાન પ્રાંતના ત્રણ જિલ્લા કબજે કર્યા છે. તાલિબાનના પ્રવક્તા ઝબીહુલ્લાહ મુજાહિદે દાવો કર્યો છે કે બાગલાન પ્રાંતના પુલ-એ-હિસાલ, બન્નુ, દેહ સાલેહ જિલ્લાઓને કબજે કરવામાં આવ્યા છે.
તાલિબાનની નજર નોર્ધન એલાયન્સ તરફ
આ જિલ્લાઓને નોર્ધન એલાયન્સ પાસેથી ખાલી કરાવાયા છે. હવે તાલિબાન દાવો કરી રહ્યું છે કે નોર્ધન એલાયન્સના લડવૈયાઓના કબજામાંથી જિલ્લાઓ પર કબજો મેળવ્યો છે. પ્રવક્તાએ દાવો કર્યો હતો કે તાલિબાનોએ તખર, બદખ્શા અને અંદરાબ દિશાઓથી પંજશીરને ઘેરી લીધું છે અને વાતચીત દ્વારા સમસ્યાનો ઉકેલ લાવવાનો પ્રયાસ કરી રહી છે. કાબુલ કબજે કર્યા બાદ તાલિબાન લડવૈયાઓ હવે વિદ્રોહીઓના ગઢ પંચશીર ખીણ તરફ આગળ વધી રહ્યા છે.
Click it and Unblock the Notifications
Sign in with Google
