પાકિસ્તાનમાં સરકારી ઓફિસમાં ઘુસ્યા આતંકવાદી, 7ના મોત

પેશાવર, 18 ફેબ્રુઆરી: પાકિસ્તાનના પેશાવર શહેરમાં એક આતંકવાદી હુમલો થયો છે. આતંકવાદીઓએ પેશાવરમાં એક સરકારી બિલ્ડિંગને પોતાના બાનમાં લઇ લીધી અને સતત ફાયરિંગ કરતા રહ્યા. જોકે અત્યાર સુધી મળી રહેલા સમાચાર અનુસાર આ હુમલામાં 5 સુરક્ષાકર્મીઓ સહિત 7 લોકોના મોત થયા છે અને અન્ય 7 લોકો ગંભીર રીતે ઘાયલ છે.

સૂત્રો દ્વારા મળી રહેલી માહિતી અનુસાર સુરક્ષા જવાનો અને આતંકવાદીઓ વચ્ચે હજી પણ ફાયરિંગ જારી છે. ઉલ્લેખનીય છે કે શનિવારે જ પાકિસ્તાનના ક્વેટા શહેરમાં બે ગીચ વસ્તીવાળા બજારોમાં થયેલા બ્લાસ્ટમાં ઓછામાં ઓછા 84 જેટલા લોકોના મોત થયા હતા અને 180 લોકો ગંભીર રીતે ઘાયલ થયા હતા.

કહેવામાં આવે છે કે વિસ્ફોટમાં 100 કિલો વિસ્ફોટકનો ઉપયોગ કરવામાં આવ્યો હતો. સમાચાર એજેન્સીઓના જણાવ્યા અનુસાર વિસ્ફોટ એટલો શક્તિશાળી હતો કે બંને બજારોની 60 દુકાનો ઢેર થઇ ગઇ. અને તેની નીચે ઘણા લોકો દબાઇ ગયા હતા.

English summary

Terror attack reported in Peshawar, 7 dead and 7 injured.