લોકશાહીનો અંત સાથે અફઘાનિસ્તાનમાં શાસન કરવા તાલિબાનનો પ્લાન તૈયાર

અફઘાનિસ્તાનની સત્તા હવે સંપૂર્ણપણે તાલિબાનના હાથમાં છે. જેના કારણે ત્યાં નવી સરકારની રચનાની પ્રક્રિયા ચાલી રહી છે. આવી પરિસ્થિતિમાં લોકોના મનમાં એક સવાલ હતો કે શું અફઘાનિસ્તાનમાં લોકશાહી હશે કે નહીં?

કાબુલ : અફઘાનિસ્તાનની સત્તા હવે સંપૂર્ણપણે તાલિબાનના હાથમાં છે. જેના કારણે ત્યાં નવી સરકારની રચનાની પ્રક્રિયા ચાલી રહી છે. આવી પરિસ્થિતિમાં લોકોના મનમાં એક સવાલ હતો કે શું અફઘાનિસ્તાનમાં લોકશાહી હશે કે નહીં? ધીમે ધીમે આ અંગેનું વલણ સ્પષ્ટ થવા લાગ્યું છે. હવે સંસ્થાના એક વરિષ્ઠ સભ્યએ એક ઇન્ટરવ્યુમાં સ્પષ્ટપણે જણાવ્યું છે કે, તેમનું વિઝન પહેલેથી જ સ્પષ્ટ છે. આવી પરિસ્થિતિમાં લોકશાહીને બદલે માત્ર શરિયા કાયદો લાગુ કરવામાં આવશે.

સરકાર કાઉન્સિલ ચલાવશે

ઈન્ટરવ્યુમાં તાલિબાનના વરિષ્ઠ નેતા વહીદ ઉલ્લાહ હાશ્મીએ જણાવ્યું હતું કે, અફઘાનિસ્તાન પર હવે કાઉન્સિલ દ્વારા શાસન થઈ શકે છે, જ્યારે ઈસ્લામિક જૂથના સર્વોચ્ચ નેતા હેબતોલ્લા અખુંદઝાદા કાઉન્સિલનું નેતૃત્વ કરશે. તાલિબાન અફઘાનિસ્તાનને કેવી રીતે ચલાવશે, તે મુદ્દો હજૂ સુધી ફાઈનલ થયો નથી. અમે અફઘાનિસ્તાનમાં કઈ પ્રકારની રાજકીય વ્યવસ્થા લાગુ કરવી જોઈએ તેની ચર્ચા નહીં કરીએ કારણ કે, તે સ્પષ્ટ છે કે ત્યાં માત્ર શરિયા કાયદો જ કામ કરશે. અફઘાનિસ્તાનમાં લોકશાહીનો કોઈને કોઇ સ્થાન નથી.

સરકાર માટે જૂની યોજના

હાશ્મીના જણાવ્યા મુજબ, તેમને તાલિબાન નેતૃત્વની બેઠકમાં ભાગ લેશે, જે આ સપ્તાહના અંતમાં શાસનના મુદ્દાઓ પર ચર્ચા કરશે. અત્યારે તેમનું આયોજન એ જ રીતે છે, જેમ છેલ્લી વખત 1996થી 2001 સુધી સત્તા ચલાવી હતી. બીજી તરફ હિબતુલ્લા અખુંદઝાદા ગવર્નિંગ કાઉન્સિલના વડા હશે, જેનું કાર્યાલય રાષ્ટ્રપતિની સમકક્ષ હશે. હાશ્મીના જણાવ્યા અનુસાર તાલિબાન ભૂતપૂર્વ પાયલોટ અને અફઘાન સેનાના ભૂતપૂર્વ કર્મચારીઓનો પણ સંપર્ક કરશે.

નવી સેનાની રચના કરવામાં આવશે

હાશ્મીએ વધુમાં જણાવ્યું હતું કે, તેઓ હાલમાં તાલિબાન માટે રાષ્ટ્રીય બળ બનાવવાની યોજના ધરાવે છે, જેમાં સૈનિકો અને પાયલોટનો સમાવેશ થાય છે. જેઓ અગાઉની અફઘાન સરકાર માટે લડ્યા હતા. આ ઉપરાંત તાલિબાન લડવૈયાઓ અને ઈચ્છુક સરકારી સૈનિકો પણ શામેલ થશે. તેમાંથી મોટાભાગના લોકોએ તુર્કી, જર્મની અને ઇંગ્લેન્ડમાં તાલીમ મેળવી છે. એટલા માટે તેઓ તેમને તેમની પોસ્ટ પર પાછા આવવા માટે તૈયાર કરી રહ્યા છે. હાશ્મીએ સ્વીકાર્યું કે, તેમના સંગઠનને સેનામાં સુધારાની જરૂર છે, પરંતુ તેમને હજૂ પણ અફઘાન સૈનિકોની જરૂર છે.

આ સર્વોચ્ચ નેતા છે

ઉલ્લેખનીય છે કે, હાલમાં તાલિબાનના ત્રણ સર્વોચ્ચ નેતાઓ છે. મુલ્લા ઉમરના પુત્ર મૌલવી યાકૂબ, શક્તિશાળી આતંકવાદી હક્કાની નેટવર્કના નેતા સિરાજુદ્દીન હક્કાની અને દોહામાં રાજકીય કાર્યાલયના વડા અબ્દુલ ગની બરાદાર કે જેઓ સંસ્થાના સ્થાપક સભ્યોમાંના એક છે.

English summary

Power in Afghanistan is now entirely in the hands of the Taliban. Due to which the process of forming a new government is going on there. Gradually the attitude towards this has become clear.