Tonga earthquake : હવે ટોંગા નજીક શક્તિશાળી 7.1 તીવ્રતાનો ભૂકંપ, સુનામીની ચેતવણી જાહેર

Tonga earthquake : સોમવારે સવારે ટોંગા નજીક સમુદ્રમાં એક શક્તિશાળી ભૂકંપ અનુભવાયો છે. યુએસ જીઓલોજિકલ સર્વે (USGS) અનુસાર, ભૂકંપની તીવ્રતા 7.1 માપવામાં આવી છે.

સમાચારો અનુસાર, ભૂકંપનું કેન્દ્ર ટોંગાના મુખ્ય ટાપુ ટોંગાટાપુના ઉત્તરપૂર્વમાં લગભગ 100 કિલોમીટર (62 માઇલ) દૂર રેકોર્ડ થયુ છે.

ભૂકંપના પગલે પેસિફિક મહાસાગર સુનામી ચેતવણી કેન્દ્ર દ્વારા તાત્કાલિક એલર્ટ જારી કરવામાં આવ્યું છે. કેન્દ્રએ જણાવ્યું કે ભૂકંપના કેન્દ્રથી 300 કિલોમીટર (185 માઇલ) અંદરના દરિયાકાંઠાના વિસ્તારો ખતરનાક સુનામીનો સામનો કરી શકે છે.

હાલ સુધી કોઈ મોટા નુકસાન અથવા જાનહાનિના અહેવાલ નથી. તેમ છતાં આટલી ઊંચી તીવ્રતાવાળા ભૂકંપથી ભારે નુકસાન થવાની આશંકા વ્યક્ત કરવામાં આવી રહી છે. જર્મનીના જીઓસાયન્સ રિસર્ચ સેન્ટર અનુસાર, ભૂકંપ 10 કિલોમીટરની ઊંડાઈએ આવ્યો.

ટોંગા એક પોલિનેશિયન દેશ છે, જેમાં 171 ટાપુઓ છે. તેની વસ્તી લગભગ 1 લાખ છે અને મોટાભાગના લોકો ટોંગાટાપુના મુખ્ય ટાપુ પર વસવાટ કરે છે. ઓસ્ટ્રેલિયાથી લગભગ 3,500 કિલોમીટર (2,000 માઇલ) પૂર્વમાં આવેલો આ દેશ ભૂગર્ભિક દ્રષ્ટિએ ખૂબ જ સક્રિય છે.

An earthquake with a magnitude of 7.0 on the Richter Scale hit Tonga Islands at 5.48 pm IST today: National Center for Seismology pic.twitter.com/netiUxL0f4

— ANI (@ANI) March 30, 2025

ટોંગાના મોટાભાગના ટાપુઓ સફેદ રેતાળ દરિયાકિનારા, કોરલ રીફ અને ગાઢ વરસાદી જંગલોથી ઘેરાયેલા છે. ટોંગાટાપુ ટાપુ લગૂન અને ચૂનાના પત્થરોથી ઘેરાયેલો છે.

અહીંની રાજધાની નુકુઆલોફા પર્યટકો માટે પણ મહત્વનું કેન્દ્ર છે, જ્યાં ઐતિહાસિક સ્થળ Ha'amonga'a Maui આવેલું છે, જે 1200 ના દાયકામાં બનાવવામાં આવ્યું હતું.

English summary

Tonga Earthquake: Powerful 7.1 Magnitude Quake Strikes Near Tonga, Tsunami Warning Issued