Trump Visa Ban : ભારત સહિત 41 દેશોના લોકોને અમેરિકામાં બ્લોક કરવાની તૈયારીમાં ટ્રમ્પ?
Trump Visa Ban : અમેરિકાની ટ્રમ્પ સરકાર ટૂંક સમયમાં 41 દેશો સામે કડક વિઝા પ્રતિબંધો લાદી શકે છે. રોઈટર્સના અહેવાલ મુજબ, એક આંતરિક મેમોરેન્ડમ બહાર પડ્યા બાદ આ દેશોના નાગરિકો પર મુસાફરી પ્રતિબંધ મૂકવાની શક્યતા છે.
આ મેમોરેન્ડમમાં કુલ 41 દેશોની યાદી સામેલ છે, જેને ત્રણ જુદા-જુદા જૂથોમાં વહેંચવામાં આવ્યા છે. આ દેશો પર કેટેગરીના આધારે પ્રતિબંધ મુકાઈ શકે છે. જો કે આમાં સીધી રીતે ભારતનું નામ ક્યાંય સામે નથી આવ્યુ.
ત્રણ જુથમાં વહેંચાયેલા દેશો
પ્રથમ જૂથ
આ જૂથમાં 10 દેશોનો સમાવેશ કરવામાં આવ્યો છે, જેમાં અફઘાનિસ્તાન, ઈરાન, સીરિયા, ક્યુબા અને ઉત્તર કોરિયા જેવા દેશો શામેલ છે. આ દેશોના નાગરિકોના વિઝા પર સંપૂર્ણ પ્રતિબંધ મૂકવાની સંભાવના છે.
બીજુ જૂથ
પાંચ દેશો જેવા કે એરિટ્રિયા, હૈતી, લાઓસ, મ્યાનમાર અને દક્ષિણ સુદાનનો સમાવેશ થાય છે. આ દેશોના નાગરિકો માટે પ્રવાસી અને વિદ્યાર્થી વિઝા તેમજ અન્ય ઇમિગ્રન્ટ વિઝાઓ પર આંશિક પ્રતિબંધ મુકાઈ શકે છે.
ત્રીજુ જૂથ
26 દેશો આ જૂથમાં સામેલ છે, જેમાં બેલારુસ, પાકિસ્તાન અને તુર્કમેનિસ્તાન જેવા દેશો છે. આ દેશોના નાગરિકોને વિઝા આપવા પર આંશિક પ્રતિબંધ લાદી શકાય છે. આ દેશોને 60 દિવસની અંદર સુરક્ષા સંબંધિત ખામીઓ દૂર કરવાની તક આપવામાં આવશે.
આ સૂચિમાં હજુ ફેરફાર થઈ શકે છે. જો ટ્રમ્પ વહીવટીતંત્ર દ્વારા આ વિઝા પ્રતિબંધો લાગુ કરવામાં આવશે, તો તે કોઈ નવી નીતિ નહીં ગણાય. ટ્રમ્પે તેમના અગાઉના કાર્યકાળમાં સાત મુસ્લિમ બહુમતી ધરાવતા દેશોના નાગરિકો પર મુસાફરી પ્રતિબંધ લાદ્યો હતો, જેને 2018માં અમેરિકાની સુપ્રીમ કોર્ટે માન્યતા આપી હતી.
ડોનાલ્ડ ટ્રમ્પે રાષ્ટ્રપતિ તરીકે શપથ લીધા બાદ 20 જાન્યુઆરીએ એક એક્ઝિક્યુટિવ ઓર્ડર જારી કર્યો હતો, જેમાં યુ.એસ.માં પ્રવેશ મેળવવા માંગતા વિદેશી નાગરિકો માટે વધુ કડક સુરક્ષા તપાસ કરવાની જાહેરાત કરી હતી. જો આ નવી નીતિને અમલમાં મૂકવામાં આવશે તો ઘણા દેશોના નાગરિકો માટે અમેરિકા જવાનો માર્ગ વધુ મુશ્કેલ બની શકે છે.
Click it and Unblock the Notifications
Sign in with Google
