અમેરિકાની ડબલ ગેમ, પાકિસ્તાનને ઘાતક મિસાઈલો આપશે
પાકિસ્તાનને AMRAAM મિસાઈલ વેચવાના અમેરિકાના નિર્ણયથી ભારત-અમેરિકા સંબંધોમાં તણાવ વધવાની શક્યતા છે.
આ એ જ મિસાઈલો છે જેનો ઉપયોગ 2019માં ભારતીય વાયુસેનાના MiG-21 વિમાનને તોડી પાડવા માટે થયો હતો.
અમેરિકાએ પોતાના સંરક્ષણ સંબંધોમાં એક મોટો અને વિવાદાસ્પદ નિર્ણય લીધો છે. રેથિયૉન કંપનીની ઘાતક AIM-120 AMRAAM મિસાઈલો પાકિસ્તાનને વેચવાની મંજૂરી આપી દેવામાં આવી છે.
ટ્રમ્પ વહીવટીતંત્ર દ્વારા લેવાયેલો આ નિર્ણય ભારત અને પાકિસ્તાન વચ્ચેના તણાવપૂર્ણ 87 કલાકના યુદ્ધના ચાર મહિના બાદ આવ્યો, જેમાં બંને દેશોએ એકબીજાના લડાકુ વિમાનોને તોડી પાડવાનો દાવો કર્યો હતો.
આ મિસાઈલોનો ઉપયોગ પાકિસ્તાને 2019ના ઓપરેશન સ્વિફ્ટ રિટૉર્ટ દરમિયાન ભારતીય વાયુસેનાના (IAF) MiG-21 બાઇસન વિમાનને નિશાન બનાવવા માટે કર્યો હતો.
અમેરિકાએ પાકિસ્તાનને નવી AIM-120C-8 મિસાઈલના વેચાણને મંજૂરી આપી છે, જેની મારક ક્ષમતા 160 કિલોમીટર સુધીની છે. આ મિસાઈલ ફાયર-એન્ડ-ફૉરગેટ ટેક્નોલોજીથી સજ્જ છે, જે લૉન્ચ થયા પછી તેના લક્ષ્યને આપોઆપ ટ્રેક કરી શકે છે.
તેમાં અત્યાધુનિક ઇલેક્ટ્રોનિક કાઉન્ટરમેજર (ECM) પ્રતિકાર, જીપીએસ આધારિત નેવિગેશન અને ઊંચી ગતિના લક્ષ્યોને ભેદવાની ક્ષમતા છે.
આ મિસાઈલો પાકિસ્તાની વાયુસેનાના (PAF) F-16 બ્લૉક 52 લડાકુ વિમાનોમાં લગાવાશે, જે પાકિસ્તાનની દૂરથી હુમલો કરવાની ક્ષમતામાં મોટો વધારો કરશે.
41.6 બિલિયન ડૉલરનો આ સોદો અત્યાર સુધીનો સૌથી મોટો હવાથી હવામાં માર કરનારી મિસાઈલ નિકાસ સોદો માનવામાં આવે છે.
Click it and Unblock the Notifications
Sign in with Google
