હાશ! અમેરિકામાં આંશિક શટડાઉન દૂર થયું
વૉશિંગ્ટન, 17 ઓક્ટોબર : અમરિકામાં છેલ્લા 16 દિવસથી ચાલી રહેલા આંશિક શટડાઉનનો અંત આવ્યો છે. અમેરિકાની સંસદના બને સદનોએ સરકારની દેવાની મર્યાદા વધારવા ઉપરાંત બજેટ બીલ અંગેના ખરડાને પસાર કરી દીધો છે.
બુધવારે સેનેટ દ્વારા તૈયાર કરાયેલ ખરડાને પ્રતિનિધિ સભના સ્પીકર અને વિપક્ષના રિપબ્લીકન પાર્ટીના વરિષ્ઠ નેતા જાન બોનરે સહમતિ આપી દીધી હતી. તાડબતોડમાં સેનેટના 18ની સામે 18ના મતોથી અને બાદમાં પ્રતિનિધિ સભાના 144ની સામે 244 મતોથી ખરડાને પસાર કરવામાં આવ્યો. ઓબામા હવે તેના પર હસ્તાક્ષર કરતા તેને અંતિમ સ્વરૂપ મળશે.
અમેરિકાના રાષ્ટ્ર પ્રમુખ બરાક ઓબામાએ વિશ્વાસ અપાવ્યો છે કે વધુ સમય ગુમાવ્યા વિના તેઓ દેવાની મર્યાદા વધારવા તેમજ શટડાઉનને પૂર્ણ કરતા બીલ પર સહી કરશે.
સેનેટ દ્વારા ખરડો પસાર કરાતા હવે ઓબામાએ કહ્યું કે અમે અમેરિકાના લોકો માટે આવી પડેલી અનિશ્ચિતતા અને અસહજતા દૂર કરવાના પૂરતા પ્રયાસો કરીશું. તેમણે કહ્યું કે આગામી દિવસોમાં સરકારે ઘણું કરવાનું રહેશે.