90 વર્ષીય વૃદ્ધા Donald trump પર અકળાયા- 'એ રાષ્ટ્રપતિની ચૂંટણી કઈ રીતે લડી શકે?'
અમેરિકાના આગલા પ્રેસિડેન્ટ ચૂંટવા માટેની પ્રક્રિયાનો પ્રારંભ થઇ ચૂક્યો છે. ગતરોજ મોડી સાંજ સુધી મતદાન થયું અને વહેલી સવારે 4 વાગ્યેથી જ એક્ઝિટ પોલ્સ પણ સામે આવવા લાગ્યા છે. આ દરમિયાન એક અમેરિકન વૃદ્ધ મહિલાએ રિપબ્લિકન ઉમેદવાર ડોનાલ્ડ ટ્રમ્પ (Donald Trump) પર ભડાસ કાઢી હતી.
નોંધનીય છે કે સેન્ટ્રલ મિનિયાપોલિસના એક પોલિંગ બૂથ પર મતદાન કરવા પહોંચેલી 90 વર્ષીય ઑડ્રી વેસ્લીએ ન્યૂજ એજન્સી એપીને કહ્યું કે પ્રેસિડેન્શિયલ પદ પર ડોનાલ્ડ ટ્રમ્પની વાપસીની સંભાવનાથી અમેરિકી રાજનીતિને લઈ તેમનો દૃષ્ટિકોણ વધુ ખરાબ થઇ ગયો છે. તેમણે આગળ કહ્યું કે વારંવાર કાનૂનની ધજ્જિયાં ઉડાવનાર વ્યક્તિ પ્રેસિડેન્ટ પદ માટે ચૂંટણી લડે મને વિશ્વાસ નથી આવતો. અમારી સિસ્ટમ બરબાદ થઇ ગઇ છે. વેસ્લીએ કહ્યું કે તેણીએ કમલા હેરિસને મત આપ્યો છે અને તેઓ ટ્રમ્પની હારની ઉમ્મીદ કરી રહી છે.
વેસ્લીએ અમેરિકન સિસ્ટમ પર પણ નારાજગી વ્યક્ત કરી છે. તેમણે કહ્યું કે ચૂંટણી સંપન્ન થયા પછી નેતાઓ બધાની સુખાકારી માટે કોશિશ કરતા હતા, પછી તમે ડેમોક્રેટ હોવ કે રિપબ્લિકન. પરંતુ હવે જીત સૌથી મહત્વપૂર્ણ બની ગઈ છે. મેં દરેક વખતે મતદાન કર્યું છે, પરંતુ હવે હું સિસ્ટમથી નાખુશ છું.
ટ્રંપે ફ્લોરિડામાં મતદાન કર્યું
પૂર્વ પ્રેસિડેન્ટ ડોનાલ્ડ ટ્રમ્પે ફ્લોરિડાના એક પોલિંગ બૂથ પર મતદાન કર્યું હતું. તેમણે મતદાન કર્યા બાદ કહ્યું કે, આ તેમનો અત્યાર સુધીનું સૌથી શાનદાર ચૂંટણી કેમ્પેન રહ્યું અને તેમની જીત નિશ્ચિત છે.
અર્લી ટ્રેન્ડ્સમાં ટ્રમ્પ આગળ
આજે 6 નવેમ્બર 2024ની વહેલી સવારેથી જ એક્ઝિટ પોલ્સ સામે આવવા લાગ્યા છે. CNNના એક્ઝિટ પોલ મુજબ ડોનાલ્ડ ટ્રમ્પ મિઝોરી, ઓક્લાહોમા, અલાબામા અને ફ્લોરિડા જીત્યા છે. જ્યારે કમલા હેરિસ મેસેચ્યુસેટ્સ અને મેરીલેન્ડ જીત્યા છે.
Click it and Unblock the Notifications
Sign in with Google
