અમેરિકી FDA દ્વારા ફાઇઝરની કોરોના રસીના બૂસ્ટર શોટ મંજૂર
રસીના બે ડોઝ આપ્યા બાદ પણ કોરોનાના નવા પ્રકારને ધ્યાનમાં રાખીને લોકોને બૂસ્ટર શોટ આપવાની વાત કરવામાં આવી હતી. વૈજ્ઞાનિકોએ તેની તરફેણમાં દલીલો પણ કરી હતી, જે બાદ આખરે FDAએ તેની મંજૂરી આપી દીધી છે.
વોશિંગ્ટન : યુએસ ડ્રગ રેગ્યુલેટરીએ ફાઇઝરની કોરોના રસીના બૂસ્ટર શોટ માટે પરવાનગી આપી છે. આ બૂસ્ટર શોટ તે લોકોને આપવામાં આવશે, જેમને કોરોનાનું જોખમ વધારે છે. FDAએ 65 વર્ષથી વધુ ઉંમરના લોકો અને પુખ્ત વયના લોકોને બૂસ્ટર શોટ આપવાની મંજૂરી આપી છે, જેઓ કોરોનાના વધુ જોખમમાં છે.
નોંધનીય છે કે, રસીના બે ડોઝ આપ્યા બાદ પણ કોરોનાના નવા પ્રકારને ધ્યાનમાં રાખીને લોકોને બૂસ્ટર શોટ આપવાની વાત કરવામાં આવી હતી. વૈજ્ઞાનિકોએ તેની તરફેણમાં દલીલો પણ કરી હતી, જે બાદ આખરે FDAએ તેની મંજૂરી આપી દીધી છે.
FDAએ પુખ્ત વયના લોકો માટે બૂસ્ટર શોટની મંજૂરી આપી છે. જે લોકોને કોરોનાનું જોખમ વધારે છે, તેમને ફાઇઝર-બાયોટેક રસીનો બૂસ્ટર શોટ આપવામાં આવશે.
આરોગ્ય કર્મચારીઓ અને અન્ય ઘણા લોકો તેમની નોકરીને કારણે કોરોના વાયરસથી સંક્રમિત થવાની સંભાવના વધારે છે, આ સાથે જે લોકોની તબિયત વધુ ખરાબ છે, તેમને પણ રસીનો બૂસ્ટર ડોઝ આપવામાં આવશે. ઉલ્લેખનીય છે કે, અમેરિકામાં મેડિકલ સ્ટોર્સ, હેલ્થ ક્લિનિક્સ અને ડોક્ટર્સમાં લાખો લોકોને રસીનો બૂસ્ટર ડોઝ આપવામાં આવશે.
નોંધનીય છે કે, લગભગ 22 મિલિયન અમેરિકનોને લગભગ છ મહિના પહેલા કોરોનાની રસીનો બીજો ડોઝ મળ્યો હતો. આ લોકોને ફાઇઝર બાયોએન્ટેક રસી આપવામાં આવી છે. આમાંથી લગભગ અડધા લોકો 65 વર્ષથી વધુ ઉંમરના છે. લાખો લોકોને મોડર્ના, જોનસન એન્ડ જોહ્ન્સન રસી મળી છે. આવી પરિસ્થિતિમાં આ લોકો હજૂ રાહ જોઈ રહ્યા છે કે, રસી મળ્યાના છ મહિના બાદ પણ તેમને બૂસ્ટર ડોઝ આપવામાં આવશે કે નહીં. FDAની મંજૂરી બાદ લોકોને બુસ્ટર ડોઝ આપવાનું અભિયાન શરૂ કરવામાં આવશે.
Click it and Unblock the Notifications
Sign in with Google
