મહિલાંઓ સામેના ગુન્હા રોકવા ભારતને મદદ કરવા US તૈયાર

Published: Saturday, January 5, 2013, 14:46 [IST]

નવી દિલ્હી, 5 જાન્યુઆરીઃ દિલ્હીમાં ચાલતી બસમાં 23 વર્ષીય પૈરા-મેડિકલ વિદ્યાર્થિની સાથે સામુહિક બળાત્કારની જધન્ય ઘટનાને ધ્યાનમાં રાખીને અમેરિકાએ આજે મહિલાંઓ વિરુદ્ધ થઇ રહેલી હિંસા સામે લડી રહેલી સરકારી અને ખાનગી સંસ્થાઓને મજબૂત બનાવવા માટે ભારતને મદદ કરવાની તૈયારી અમેરિકાએ દર્શાવી છે અને એ માટે રજુઆત કરી છે.

વિદેશ મંત્રાલયની પ્રવક્તા વિક્ટોરિયા ન્યૂલેન્ડે ગત કાલે કહ્યું કે, ભારત હોય કે પછી અન્ય કોઇ સ્થળ અમારું લક્ષ્ય મહિલાંઓ વિરુદ્ધ થઇ રહેલી હિંસાના વિરોધમાં લડી રહેલી સરકારી અને ખાનગી સંસ્થાઓને મજબૂત બનાવવામાં મદદ કરવાનો છે. ન્યૂલેન્ડે કહ્યું કે, છેલ્લા કેટલાક અઠવાડિયાથી બીમાર રહેલી વિદેશમંત્રી હિલેરી ક્લિન્ટને દિલ્હી સામુહિક બળાત્કર મામલે સંપૂર્ણ જાણકારી છે.

તેમણે કહ્યું કે, એક સરકાર તરીકે અમે વિશ્વમાં મહિલાંઓ વિરુદ્ધ થઇ રહેલી હિંસાન વિરોધમાં કામ કર્યું છે. અમારી ઘણી યોજનાઓ છે. જેમાં ભારતમાં ચાલી રહેલી સાર્વજનિક શિક્ષા, ખાનગી સંગઠનો, જે હિંસાનો શિકાર બનેલી મહિલાંઓ તથા ઘરેલુ હિંસાનો શિકાર બનેલી મહિલાંઓને મદદ કરે છે, તેમને મદદ વગરે સામેલ છે. ન્યૂલેન્ડે કહ્યું કે , અમે તેને અમારી વિદેશ નીતિનો હિસ્સો બનાવી રાખીશું. દુર્ભાગ્યપૂર્ણ આ સમસ્યા વિશ્વના તમામ દેશોમાં છે, અમારા દેશમાં પણ છે.

Published On January 5, 2013