• search
For Quick Alerts
ALLOW NOTIFICATIONS  
For Daily Alerts

ડોનાલ્ડ ટ્રમ્પે આપ્યુ રાજીનામુ, દુનિયાભરમાં ઉજવણીનો માહોલ, જાણો આખા સમાચાર

|

બુધવારે સવારે વ્હાઈટ હાઉસ બહાર ઉજવણીનો માહોલ એવો હતો કે માનો લાગી રહ્યુ છે કે એપ્રિલ ફૂલ જાન્યુઆરીમાં જ આવી ગયુ હોય. સવારની ઠંડક વચ્ચે અમેરિકી રાષ્ટ્રપતિ ડોનાલ્ડ ટ્રમ્પના રાજીનામાના સમાચાર સાથે બજારમાં આવેલા વર્તમાનપત્ર વૉશિંગ્ટન પોસ્ટે દેશમાં હોબાળો મચાવી દીધો. પહેલા પાના પર છપાયેલા સમાચારના હેડિંગ હતા 'અનપ્રેસિડન્ટ'. એમાં લખ્યુ હતુ કે ટ્રમ્પ સંકટ વચ્ચે વ્હાઈટ હાઉસ છોડીને ચાલ્યા ગયા છે. આ પેજ પર આવેલા એક રિપોર્ટમાં લખ્યુ હતુ કે ટ્રમ્પના રાજીનામા બાદ આખા દેશમાં ઉજવણીનો માહોલ છે અને લોકો ખુશીઓ મનાવી રહ્યા છે.

વૉશિંગ્ટન પોસ્ટને જોઈને લોકો થયા હેરાન

વૉશિંગ્ટન પોસ્ટને જોઈને લોકો થયા હેરાન

જેવા આ સમાચાર લોકોના હાથમાં આવ્યા કે બધા એકીટસે જોતા રહ્યા. આ વર્તમાનપત્રમાં ડાબી બાજુ એક સિંગલ કોલમ રિપોર્ટ હતો જેના પર હેડિંગ લખ્યુ હતુ, ‘ટ્રમ્પનો સમય ખતમ અને દરેક જગ્યાએ ઉજવણી.' આ વર્તમાનપત્ર પર તારીખ હતી એક મે 2019 અને આ વૉશિંગ્ટન પોસ્ટની એક નકલી એડીશન હતા. વ્હાઈટ હાઉસની આસપાસ આ વર્તમાનપત્રને ફ્રીમાં વહેંચવામાં આવી રહ્યુ હતુ. વૉશિંગ્ટન પોસ્ટ તરફથી થોડી વાર બાદ એક નિવેદન જાહેર કરવામાં આવ્યુ હતુ. આ નિવેદનમાં સ્પષ્ટ કરી દેવામાં આવ્યુ કે આ વર્તમાનપત્રનું નકલી સંસ્કરણ છે અને તેને વર્તમાનપત્ર સાથે કોઈ લેવાદેવા નથી.

વર્તમાનપત્રએ જણાવ્યુ ફેક ન્યૂઝ

વૉશિંગ્ટન પોસ્ટ તરફથી એક ટ્વીટ આ મુદ્દે કરવામાં આવી. આ ટ્વીટમાં લખ્યુ હતુ, ‘વૉશિંગ્ટન પોસ્ટની નકલી કોપીઓ વહેંચવામાં આવી રહી છે અને અમે એ વાતથી વાકેફ છે કે એક વેબસાઈટ તરફથી આ પ્રકારનો મજાક કરવાની કોશિશ કરવામાં આવી રહી છે. આ અમારી પ્રોડક્ટ નથી અને અમે આ મુદ્દાની તપાસ કરી રહ્યા છે.' ન્યૂઝ એજન્સી પીટીઆઈ તરફથી કહેવામાં આવ્યુ છે કે એક મિડલ એજ મહિલા વ્હાઈટ હાઉસની બહાર હતી. તે લોકોને કહી રહી હતી તે વૉશિંગ્ટન પોસ્ટની સ્પેશિયલ એડીશન છે અને એકદમ ફ્રી છે. બીજે ક્યાંય આ એડીશન નહિ મળે.

વ્હાઈટ હાઉસની બહાર ફ્રીમાં મળ્યુ વર્તમાનપત્ર

પીટીઆઈ તરફથી જણાવવામાં આવ્યુ છે કે મહિલાએ વર્તમાનપત્રનું એક બંડલ નીલા રંગના પ્લાસ્ટિક બેગમાં રાખ્યુ હતુ. સવારે જે લોકો ઓફિસ જઈ રહ્યા હતા અને વ્હાઈટ હાઉસ પાસેથી પસાર થઈ રહ્યા હતા તેમને આ વર્તમાનપત્ર આપવામાં આવી રહ્યુ હતુ. વર્તમાનપત્ર વહેંચતી આ મહિલાનો વીડિયો યુ ટ્યુબ પર અપલોડ કરવામાં આવ્યો છે. આ વીડિયોમાં મહિલાને કહેતા સાંભળી શકાય છે કે, ‘ગુડ મોર્નિંગ, શું તમને આ પેપર મળ્યુ? આ સ્પેશિયલ એડીશન છે.' આ વર્તમાનપત્રમાં જે સમાચાર લખ્યા હતા તેને લિસા ચુંગે લખ્યુ હતુ.

ડોનાલ્ડ ટ્રમ્પ ‘અનપ્રેસિડેન્ટ'

તેમાં કહેવામાં આવ્યુ હતુ કે રાષ્ટ્રપતિ ડોનાલ્ડ ટ્રમ્પે 30 એપ્રિલ 2019ના રોજ વ્હાઈટ હાઉસ ખાલી કરી દીધુ છે. વર્તમાનપત્રમાં લખ્યુ હતુ, ‘ ટ્રમ્પે કોઈ પ્રકારનું કોઈ ઔપચારિક નિવેદન જાહેર કર્યુ નથી. જો કે વ્હાઈટ હાઉસ તરફથી નામ ન જણાવવાની શરતે ચાર લોકોઅ દાવો કર્યો છે કે તેમને રાષ્ટ્રપતિની ઓવલ ઓફિસની ડેસ્કમાંથી એક નેપકિન મળ્યો છે. 30 એપ્રિલના રોજ મળેલા આ નેપકિન પર લાલ રંગથી એક સંદેશ લખ્યો છેઃ હિલેરી અને હફિયૉરનો દોષ છે અને સાથે ફેક ન્યૂઝ મીડિયા આના માટે દોષી છે.' ત્યારબાદ વૉશિંગ્ટન પોસ્ટે ‘અનપ્રેસિડેન્ટ' આ હેડલાઈન નીચે લખ્યુ હતુ ફેક ન્યૂઝપેપરની સ્ટોરીમાં ટ્રમ્પના રાજીનામાની વાત કહેવામાં આવી છે. વધુ એક રિપોર્ટમાં કહેવામાં આવ્યુ છે કે ટ્રમ્પના રાજીનામા બાદ દુનિયાભરમાં ઉજવણીનો માહોલ.

માઈક પેંસે લીધા શપથ

આ નકલી વર્તમાનપત્રના રિપોર્ટમાં આગળ લખ્યુ હતુ, ‘ઉપ-રાષ્ટ્રપતિ માઈક પેંસે પોતાના દાદી તરફથી આપવામાં આવેલ બાઈબલ પર હાથ મૂકીને ઉતાવળમાં શપથ લીધા છે.' આ વર્તમાનપત્રમાં એક ‘બાય-બાય' સપ્લીમેન્ટને પણ જોડવામાં આવ્યુ છે. ન્યૂઝવીક સાથે કામ કરી રહેલ જર્નાલિસ્ટ રામસે ટાઉચબેરીએ પોતાના એક ટ્વીટમાં દાવો કર્યો છે કે તેમણે એક ફેક ન્યૂઝ પેપર માટે જવાબદાર એક એક્ટિવિસ્ટ સાથે વાત કરી છે. તેમણે જણાવ્યુ છે કે લિસા ફિથિયાને તેમને જાણકારી આપી છે કે આ ઘણા એક્ટિવિસ્ટ દ્વારા કરવામાં આવેલો સહિયારો પ્રયાસ હતો.

lok-sabha-home

English summary
US President Donald Trump resigns fake news by Washington Post.

For Breaking News from Gujarati Oneindia
Get instant news updates throughout the day.

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more