બહુ જલ્દી દુનિયાભરમાં બાળકોને સ્માર્ટ ફોન આપવા પર લાગી શકે છે પ્રતિબંધ, જાણો શું કહ્યું UNESCO એ?

શરૂઆતમાં મોબાઈલ ફોનને સૌથી મોટા હથિયાર તરીકે જોવામાં આવતો હતો. કમ્યુનિકેશનના કામને સેકન્ડોમાં કરી આપતો મોબાઈલ ફોન હવે સ્માર્ટ બનતા સૌથી મોટી સમસ્યા બની ગયો છે. તેમાં પણ હવે બાળકોના હાથમાં સ્માર્ટ ફોન આવતા સ્થિતી વણસી રહી છે.

કોરોના દરમિયાન ઓનલાઈન શિક્ષણના કારણે બાળકોને અભ્યાસ માટે સ્માર્ટ ફોન આપવામાં આવ્યા અને અહીંથી સ્થિતી બગડવાની શરૂઆત થઈ. બાળકો અભ્યાસ માટે આપવામાં આવેલા ફોનનો સૌથી વધુ દુરુપયોગ કરે છે. યુનેસ્કોનું કહેવું છે કે વિશ્વભરની શાળાઓમાં ફોન પર સંપૂર્ણ પ્રતિબંધ મૂકવો જોઈએ.

UNESCO હાલમાં જ શિક્ષણમાં ટેક્નોલોજી પર એક રિપોર્ટ તૈયાર કર્યો છે. આ રિપોર્ટના આધારે યુનેસ્કોએ કહ્યું છે કે, શાળાઓમાં સ્માર્ટ ફોન પર સંપૂર્ણ પ્રતિબંધ હોવો જોઈએ. સ્પષ્ટ શબ્દોમાં કહીએ તો ફોનને વિદ્યાર્થીઓ પાસેથી લઈ લેવામાં આવે. ચિંતા વ્યક્ત કરતાં યુનેસ્કોએ અહેવાલમાં કહ્યું કે, બાળકોને શાળાઓમાં માનવ-કેન્દ્રિત અભિગમની જરૂર છે અને ડિજિટલ ટેક્નોલોજીએ એક સાધન તરીકે કામ કરવું જોઈએ.

UNESCO આગળ જણાવે છે કે, એવું ન થવું જોઈએ કે તે તમારા પર એટલું પ્રભુત્વ ધરાવે કે તમે તેના વિના જીવી ન શકો. આજના બાળકો સાથે આવું જ થઈ રહ્યું છે. તે ફોન લેતા જ સાવ ખાલી થઈ જાય છે. તે સમજી શકતા નથી કે હવે તેમને શું કરવું જોઈએ. એવું લાગે છે કે જાણે આખી દુનિયા તેના ફોનમાં જ છે.

બાળકો શાળા સમય દરમિયાન જે કંઈ પણ અભ્યાસ કરે છે અથવા શીખે છે તે તેમના જીવનમાં એક આધાર તરીકે કામ કરે છે. જે બાળકો ઈન્ટરનેટથી અભ્યાસ કરે છે તે સાચું છે કે નહીં તે કોણ નક્કી કરશે.

યુનેસ્કોના માનોસ એન્ટોનિનિસે જણાવ્યુ કે, કે વિશ્વના માત્ર 16 ટકા દેશો જ કાયદેસર રીતે ક્લાસરૂમ ડેટા ગોપનીયતાની ખાતરી આપે છે. જ્યારે અન્ય દેશોમાં બધુ એમ જ ચાલે છે.

English summary

Very soon there may be a ban on giving smart phones to children around the world