મંકીપોક્સ વર્લ્ડ હેલ્થ ઈમરજન્સી કેમ? આ રહ્યાં 5 કારણો!
વિશ્વ આરોગ્ય સંસ્થા (WHO) દ્વારા જીવલેણ મંકીપોક્સને વૈશ્વિક આરોગ્ય કટોકટી જાહેર કરવામાં આવી છે. WHOએ કહ્યું કે મંકીપોક્સ આખી દુનિયામાં ઝડપથી ફેલાઈ રહ્યો છે.
નવી દિલ્હી : વિશ્વ આરોગ્ય સંસ્થા (WHO) દ્વારા જીવલેણ મંકીપોક્સને વૈશ્વિક આરોગ્ય કટોકટી જાહેર કરવામાં આવી છે. WHOએ કહ્યું કે મંકીપોક્સ આખી દુનિયામાં ઝડપથી ફેલાઈ રહ્યો છે. આ સ્થિતિમાં તેના નિયંત્રણ માટે યોગ્ય દિશામાં તાત્કાલિક પગલાં લેવાની જરૂર છે. ચાલો જાણીએ 5 તથ્યો જેના કારણે WHOએ આ ગંભીર પગલાં ભરવા પડ્યા.
ઝડપથી ફેલાય છે
વિશ્વ આરોગ્ય સંસ્થાએ કહ્યું છે કે મંકીપોક્સ આખી દુનિયામાં ઝડપથી ફેલાઈ રહ્યો છે. આ સાથે એ તથ્યો પણ સામે આવ્યા છે કે ભવિષ્યમાં તે કોરોનાની જેમ ફેલાઈ શકે છે. આવી સ્થિતિમાં વર્લ્ડ હેલ્થ ઓર્ગેનાઈઝેશને આ નિર્ણય લીધો છે.
સહકારની અપેક્ષા
દરેક વ્યક્તિએ આનો સામનો કરવા માટે પ્રયત્નો કરવા પડશે. મંકીપોક્સને રોકવા માટે વૈશ્વિક સહયોગની હાકલ કરવામાં આવી છે. વર્લ્ડ હેલ્થ ઓર્ગેનાઈઝેશનના ડાયરેક્ટર જનરલ ટેડ્રોસ અધનોમ ગેર્બ્રેયેસસે આજે એક પત્રકાર પરિષદમાં જણાવ્યું હતું કે, મેં નક્કી કર્યું છે કે વૈશ્વિક મંકીપોક્સ ફાટી નીકળવો એ આંતરરાષ્ટ્રીય ચિંતાની જાહેર આરોગ્ય કટોકટીનું પ્રતિનિધિત્વ કરે છે.
60 દેશોમાં 16 હજાર કેસ
અત્યાર સુધીમાં WHOના 60 સભ્ય દેશોમાં મંકીપોક્સના 16,000 થી વધુ કેસ નોંધાયા છે. જ્યારે પાંચના મોત થયા છે. વિશ્વસ્તરીય આરોગ્ય સંસ્થા આ અંગે ગંભીર છે.
આરોગ્ય કટોકટી માટે કારણો જરૂરી
આરોગ્ય સંસ્થાએ કહ્યું કે તે કટોકટીની સ્થિતિ જાહેર કરી રહ્યું છે, કારણ કે જરૂરી છે કે તમામ દેશો મંકીપોક્સ સામે લડવા માટે અસરકારક માહિતી અને સેવાઓ ડિઝાઇન કરવા અને પહોંચાડવા માટે સાથે મળીને કામ કરે.
હજુ સારવાર હજી ઉપલબ્ધ નથી
મંકીપોક્સ માટે હાલમાં કોઈ ચોક્કસ સારવાર નથી. દર્દીઓને સામાન્ય રીતે નિષ્ણાત હોસ્પિટલમાં રહેવાની જરૂર પડશે, જેથી ચેપ ફેલાય નહીં અને સામાન્ય લક્ષણોની સારવાર કરી શકાય.
Click it and Unblock the Notifications
Sign in with Google
