G20 Summit: શું જી20માં શામેલ થવા ભારત આવશે શી જિનપિંગ? ભારતે આપી જાણકારી
ચીનના રાષ્ટ્રપતિ શી જિનપિંગ જી-20 સમિટમાં ભાગ લેશે કે નહીં તે અંગે સસ્પેન્સ છે. આવતા અઠવાડિયે નવી દિલ્હીમાં જી-20 સમિટ યોજાવા જઈ રહી છે, પરંતુ ઘણા મીડિયા રિપોર્ટ્સમાં કહેવામાં આવ્યું છે કે ચીનના રાષ્ટ્રપતિ કદાચ ભારત નહીં આવે.
આ મીડિયા અહેવાલો વચ્ચે ભારતે કહ્યું છે કે તે હજી પણ બેઇજિંગ તરફથી સત્તાવાર પુષ્ટિની રાહ જોઈ રહ્યું છે. ભારત હાલમાં G20 સમિટનું આયોજન કરી રહ્યું છે પરંતુ મુખ્ય કાર્યક્રમ 9 અને 10 સપ્ટેમ્બરના રોજ યોજાનાર છે, જ્યાં યુએસ પ્રમુખ જો બિડેન સહિત ડઝનેક ટોચના વિશ્વ નેતાઓ નવી દિલ્હી આવવાના છે.
જોકે લગભગ તમામ આમંત્રિત મહેમાનોએ આ કાર્યક્રમમાં તેમની હાજરી વિશે પહેલેથી જ જાણ કરી દીધી હતી, પરંતુ ચીને તેના નેતા શી જિનપિંગ આ કાર્યક્રમમાં હાજરી આપશે કે કેમ તે અંગે કોઈ પ્રતિક્રિયા આપી નથી.
G20ના વિશેષ સચિવ મુક્તેશ પરદેશીએ શુક્રવારે જણાવ્યું હતું કે ભારત આગામી સપ્તાહના અંતે નવી દિલ્હીમાં G20 નેતાઓની સમિટમાં રાષ્ટ્રપતિ શી જિનપિંગની ભાગીદારી અંગે ચીન તરફથી લેખિત પુષ્ટિની રાહ જોઈ રહ્યું છે.
જ્યારે પીટીઆઈ દ્વારા પૂછવામાં આવ્યું ત્યારે પરદેશીએ કહ્યું, "અમે અખબારોમાં કેટલાક અહેવાલો જોયા છે. પરંતુ, અમે લેખિત પુષ્ટિની રાહ જોઇ રહ્યાં છીએ. અને અમે (લેખિત પુષ્ટિ) જોઈ નથી. અમે આ અંગે કંઈપણ કહેવાની સ્થિતિમાં નથી."
પરદેશીએ જણાવ્યું હતું કે G20 જેવી સમિટમાં વિશ્વના નેતાઓની ભાગીદારી સામાન્ય રીતે રાજદ્વારી નોંધ દ્વારા સંચાર કરવામાં આવે છે. તેમણે ક્ઝીની ભાગીદારી પર કહ્યું કે, "મને લાગે છે કે તેની રાહ જોવાઈ રહી છે. અમને મોટાભાગની અન્યની પુષ્ટિ મળી છે."
પુતીન નહીં થાય શામેલ
રશિયાના રાષ્ટ્રપતિ વ્લાદિમીર પુતિન પહેલાથી જ વડાપ્રધાન નરેન્દ્ર મોદીને કહી ચૂક્યા છે કે તેમના માટે સમિટમાં ભાગ લેવા માટે ભારત જવું શક્ય નહીં બને.
અમેરિકી રાષ્ટ્રપતિ જો બિડેન, ફ્રાન્સના પ્રમુખ ઈમેન્યુઅલ મેક્રોન, ઓસ્ટ્રેલિયાના વડાપ્રધાન એન્થોની અલ્બેનીઝ, જર્મન ચાન્સેલર ઓલાફ સ્કોલ્ઝ, યુકેના વડાપ્રધાન ઋષિ સુનાક, જાપાનના વડાપ્રધાન ફ્યુમિયો કિશિદા અને બ્રાઝિલના રાષ્ટ્રપતિ લુઈઝ ઈનાસિઓ લુલા દા સિલ્વા G20 નેતાઓમાં સામેલ છે, જેમણે કાર્યક્રમમાં શામેલ થવાની પહેલાથી જ પુષ્ટિ કરી છે.
મોદી 10 સપ્ટેમ્બરે બ્રાઝિલના રાષ્ટ્રપતિ લુલાને G20 પ્રમુખપદની બાગડોર સોંપશે. બ્રાઝિલ 1 ડિસેમ્બરે ઔપચારિક રીતે G20 નું પ્રમુખપદ ગ્રહણ કરશે.
Click it and Unblock the Notifications
Sign in with Google
