Attack on indian in us : અમેરિકામાં ભારતીયો પર વધુ એક હુમલો, ગુજરાતી પિતા-પુત્રીની ગોળી મારીને હત્યા
Attack on indian in us : અમેરિકામાં ભારતીયો પર હુમલાની વધુ એક હૃદયદ્રાવક ઘટના સામે આવી છે. વર્જિનિયાના એકોમેક કાઉન્ટીમાં આવેલા એક સ્ટોરમાં ગોળીબારની ઘટના બની છે.
આ ઘટનામાં મહેસાણાના કનોડા ગામના વતની પટેલ પરિવારના બે સભ્યોને નિશાન બનાવવામાં આવ્યા હતા. બન્નેના ઘટનાસ્થળે જ મોત થયા છે.
આ હુમલામાં 56 વર્ષીય પ્રદિપકુમાર રતિલાલ પટેલ અને તેમની 24 વર્ષીય પુત્રી ઉર્વિ પ્રદિપકુમાર પટેલનું ઘટનાસ્થળે જ મૃત્યુ થયું હતું.
સ્થાનિક પોલીસ મુજબ, એક અશ્વેત શખ્સે સ્ટોરમાં પ્રવેશ કરી ગોળીબાર કર્યો હતો. હુમલાના તરત બાદ પોલીસ તાત્કાલિક ઘટનાસ્થળે પહોંચી હતી અને આરોપીને ઝડપી પાડ્યો હતો.
હાલમાં પોલીસ દ્વારા હત્યાના કારણોની તપાસ ચાલી રહી છે, પણ હજુ સુધી કોઈ ચોક્કસ કારણ સામે આવ્યું નથી. અમેરિકામાં છેલ્લા કેટલાક સમયથી ભારતીયો પર હુમલાની ઘટનાઓમાં સતત વધારો થઇ રહ્યો છે, જે ભારતીય સમુદાય માટે ચિંતાનો વિષય બની રહ્યો છે.
વિદેશમાં વસતા ભારતીયોને આવા હુમલાઓથી બચવા માટે સ્થાનિક સાવચેતી અને સુરક્ષાના પગલાં લેવા જરૂરી બની રહ્યું છે. આ ઘટના પછી ભારતીય સમુદાયમાં ભારે દુઃખ અને રોષ જોવા મળી રહ્યો છે.
Click it and Unblock the Notifications
Sign in with Google
