બ્રિટનમાં લાપતા ભારતીય વિદ્યાર્થીનો મૃતદેહ મળ્યો

લંડન, 23 જાન્યુઆરીઃ બ્રિટનમાં નવાવર્ષની પૂર્વ સંધ્યાએ લાપતા થયેલા એક ભારતીય વિદ્યાર્થીનો મૃતદેહ મળ્યો છે. પોલીસમાં માનચેસ્ટર યૂનાઇટેડ ક્લબના ફૂટબોલ ગ્રાઉન્ડ નજીક સ્થિત એક નહેરમાંથી આ મૃતદેહ મળ્યો હતો.

સોવિક પોલ કોલકતાનો રહેવાસી હતો. માન્સેસ્ટર શહેરમાં એક નાઇટ ક્લબમાં નવા વર્ષની પૂર્વ સંઘ્યા પર જશ્ન મનાવતી વખતે મિત્રોથી અલગ પડી ગયો હતો અને ત્યારથી તે લાપતા હતો.

વિશેષ અધિકારીઓને કાલે સ્નાથિક સમયાનુસાર બે વાગ્યે સોવિકનો મૃતદેહ મળ્યો. સોવિક માન્ચેસ્ટર મેટ્રોપોલિયન યૂનિવર્સિટીમાં પ્રોડ્કટ ડિઝાઇનનો અભ્યાસ કરી રહ્યો હતો.

તે નવાવર્ષની પૂર્વ સંધ્યાએ રાત્રે અંદાજે 11 વાગ્યે છેલ્લીવાર જોવા મળ્યો હતો. બીજા દિવસે સવારે તેના એક સાથીએ તે લાપતા હોવાના સમાચાર આપ્યા હતા. સોવિક કેમ્બ્રિજ સ્ટ્રીટ સ્થિત કૈવેન્ડિશ હોલ્સમાં રહેતો હતો.

ગ્રેટર માન્ચેસ્ટર પોલીસના એક પ્રવક્તાએ જણાવ્યું કે સોવિકના પરિવારને સૂચના આપવામાં આવી છે અને અધિકારી સતત તેના સંપર્કમાં છે. પોલીસે સોવિકના પરિવાર પ્રતિ સંવેદના વ્યક્ત કરી છે અને મદદનું આશ્વાસન આપ્યું છે.

જાસૂસી નિરીક્ષક કોલિનનું કહેવું છે કે દુઃખની આ ઘડીએ અમારી સંવેદનાઓ સોવિકના પરિવાર સાથે છે અને અમારા અધિકારી તેમની મદદ માટે હરસંભવ પ્રયાસ કરી રહ્યાં છે. તેમણે કહ્યું કે સોવિકના મોતની આસપાસ કોઇ શંકાસ્પદ પરિસ્થિતિ જોવા મળતી નથી અને અમે મોતના કારણોની તપાસ કરી રહ્યાં છીએ.

English summary

Indian student Souvik Pal who went missing on New Year's Eve has been found dead after the British police recovered his body from a canal.