ભારતીયો માટે ઓસ્ટ્રેલિયા જવું બન્યું સરળ, જાણો શું છે ઓસ્ટ્રેલિયા ટેમ્પરરી વર્ક વિઝા?

NRI News: ભારતમાં ઘણા લોકો વિદેશમાં જવાનું અને ત્યાં જ સ્થાયી થવાનું સપનું જોતા હોય છે. આ વચ્ચે આવા લોકો માટે સારા સમાચાર છે. ઓસ્ટ્રેલિયન સરકાર દ્વારા પોતાના ટેમ્પરરી ગ્રેજ્યુએટ વિઝા પ્રોગ્રામ (Australia Temporary Work Visa)માં મોટો ફેરફાર કરવામાં આવી રહ્યો છે.

આ ફેરફાર 1 જુલાઈ, 2024ના રોજ લાગુ કરવામાં આવશે. ટેમ્પરરી ગ્રેજ્યુએટ વિઝા પ્રોગ્રામમાં ફેરફાર થવાના કારણે ભારતમાંથી ઓસ્ટ્રેલિયા જવા ઇચ્છતા યુવકોને લાભ થશે.

ઓસ્ટ્રેલિયન સરકાર દ્વારા ટેમ્પરરી ગ્રેજ્યુએટ વિઝા પ્રોગ્રામમાં ફેરફારોની જાહેરાત કરી છે. આ ફેરફારોનો મુખ્ય ઉદ્દેશ્ય વિઝા પ્રક્રિયાને સુવ્યવસ્થિત કરવાનો અને ઓસ્ટ્રેલિયામાં કામ કરવા ઇચ્છતા આંતરરાષ્ટ્રીય સ્નાતકો માટે વધુ સ્પષ્ટતા લાવવાનો છે.

આ ફેરફાર અનુસાર, હાલના વિઝા સ્ટ્રીમનું નામ બદલીને તેઓ જે અભ્યાસ સાથે જોડાયેલા છે, તેમના સ્તરને વધુ સારી રીતે પ્રતિબિંબિત કરવા માટે કરાશે. ગ્રેજ્યુએટ વર્ક સ્ટ્રીમ હવેથી પોસ્ટ-વોકેશનલ એજ્યુકેશન વર્ક સ્ટ્રીમના નામથી ઓળખવામાં આવશે. તેમજ પોસ્ટ-સ્ટડી વર્ક સ્ટ્રીમ હવેથી પોસ્ટ-હાયર એજ્યુકેશન વર્ક સ્ટ્રીમ તરીકે ઓળખવામાં આવશે.

હવે સવાલ એ છે કે, ટેમ્પરરી ગ્રેજ્યુએટ વિઝા શું છે? તો ટેમ્પરરી ગ્રેજ્યુએટ વિઝા પ્રોગ્રામ આંતરરાષ્ટ્રીય વિદ્યાર્થીઓ કે જેમણે CRICOS (કોમનવેલ્થ રજિસ્ટર ઓફ ઇન્સ્ટિટ્યુશન્સ અને કોર્સ ફોર ઓવરસીઝ સ્ટુડન્ટ્સ) હેઠળ નોંધાયેલ કોર્સ સફળતાપૂર્વક પૂર્ણ કરવામાં આવે છે, તેમને ઓસ્ટ્રેલિયામાં રહેવાની મંજૂરી આપવામાં આવે છે.

ટેમ્પરરી ગ્રેજ્યુએટ વિઝા પ્રોગ્રામના ફાયદા- Australia Temporary Work Visa

• કોઈપણ સેક્ટરમાં કામના કલાકોના બંધન કે સમયમર્યાદા વિના કામ કરી શકો છો.
• અભ્યાસ પૂર્ણ કર્યા બાદ ઓસ્ટ્રેલિયામાં રહી શકે છે, જે કારણે તેઓ દેશમાં વધુ તકો શોધી શકે અથવા કામનો અનુભવ મેળવી શકે.
• ગ્રેજ્યુએટ લોકોને પોતાના સ્ટડીના ફિલ્ડમાં અનુભવ મેળવવાની સાથે સાથે પોતાની કારકિર્દીમાં આગળ વધવાની તક પણ મળશે.
• ટેમ્પરરી ગ્રેજ્યુએટ વિઝા પ્રોગ્રામમાં જે લોકોએ અરજી કરી હોય, તેઓને પોતાના પરિવારજનોને પણ પોતાની વિઝા અરજીમાં સમાવેશ કરી શકે છે.
• આ સાથે ટેમ્પરરી ગ્રેજ્યુએટ વિઝા પ્રોગ્રામ અંતર્ગત પોતાના પાર્ટનર, બાળકો અથવા પાર્ટનરના બાળકો સામેલ કરી શકે છે.

ટેમ્પરરી ગ્રેજ્યુએટ વિઝા પ્રોગ્રામમાં ક્યાં ફેરફાર કરાયા? - પોસ્ટ વોકેશનલ એજ્યુકેશન વર્ક સ્ટ્રીમ અંતર્ગત અરજી કરવા માટેની મહત્તમ ઉંમરમાં ઘટાડો કરાયો છે. જે હવે 35 વર્ષ કે તેનાથી ઓછી કરાઇ છે. હોંગકોંગ અને બ્રિટિશ નેશનલ ઓવરસિઝ પાસપોર્ટ ધરાવતા લોકોને 50 વર્ષની ઉંમર સુધી લાયક ગણવામાં આવશે.

ઓસ્ટ્રેલિયા-ભારત વચ્ચેના AI-ECTA (ઈકોનોમિક કોપરેશન અને ટ્રેડ અગ્રીમેન્ટ) માં દર્શાવવામાં આવેલા ભારતીય નાગરિકો માટે રોકાણનો સમયગાળો, બેચલર ડિગ્રી માટે 2 વર્ષ સુધી, બેચલર ડિગ્રી(ફર્સ્ટ ક્લાસ ઓનર), માસ્ટર્સ ડિગ્રી માટે માટે 3 વર્ષ સુધી અને ડૉક્ટરલ ડિગ્રી (PHD) માટે 4 વર્ષ સુધીનો સમયગાળો રહેશે.

ઓસ્ટ્રેલિયા કુશળ ઇમિગ્રન્ટ્સ માટે અન્ય લોકપ્રિય સ્થળ છે. તે મજબૂત અર્થતંત્ર, ઉચ્ચ જીવનધોરણ અને ઇમિગ્રન્ટ્સ પ્રત્યે આવકારદાયક વલણ ધરાવે છે. ઓસ્ટ્રેલિયામાં વૈવિધ્યસભર અને બહુસાંસ્કૃતિક સમાજ પણ છે.

વિઝા જરૂરિયાતો - ઑસ્ટ્રેલિયન વિઝા મેળવવા માટે નીચેની આવશ્યકતાઓને પૂર્ણ કરવાની જરૂર છે.

વ્યવસાય - તમે જે વિઝા માટે અરજી કરી રહ્યા છો તેના માટે તમારો વ્યવસાય સંબંધિત કુશળ વ્યવસાયની સૂચિમાં સૂચિબદ્ધ હોવો જોઈએ.

કૌશલ્યનું મૂલ્યાંકન - તમારે તમારા વ્યવસાય માટે સંબંધિત મૂલ્યાંકન અધિકારી દ્વારા તમારી કુશળતાનું મૂલ્યાંકન કરવું આવશ્યક છે.

અંગ્રેજી ભાષાની નિપુણતા - તમારે સાબિત કરવું આવશ્યક છે કે, તમારી પાસે અંગ્રેજીમાં પૂરતી નિપુણતા છે. આ IELTS, TOEFL અથવા PTE જેવી અંગ્રેજી ભાષાની પરીક્ષા આપીને કરી શકાય છે.

આરોગ્ય અને ચારિત્ર્યની આવશ્યકતાઓ - તમારે વિઝા માટે સ્વાસ્થ્ય અને ચારિત્ર્યની આવશ્યકતાઓને પૂર્ણ કરે છે, તે સાબિત કરવા માટે તમારે સ્વાસ્થ્ય તપાસ કરવી પડશે અને પોલીસ પ્રમાણપત્રો પ્રદાન કરવા પડશે.

સ્પોન્સરશિપ - કેટલાક વર્ક વિઝા માટે ઑસ્ટ્રેલિયન એમ્પ્લોયર અથવા ઑસ્ટ્રેલિયાના કાયમી નિવાસી અથવા નાગરિક હોય તેવા યોગ્ય કુટુંબના સભ્ય દ્વારા સ્પોન્સરશિપની જરૂર પડે છે.

ઉંમર - કેટલાક વર્ક વિઝામાં વય મર્યાદાઓ હોય છે, અને તમે પાત્ર બનવા માટે ચોક્કસ વયથી ઓછા હોવા જોઈએ.

પોઈન્ટ્સ ટેસ્ટ - કેટલાક વર્ક વિઝા માટે તમારે પોઈન્ટ્સ ટેસ્ટ પાસ કરવાની જરૂર પડે છે, જેનો ઉપયોગ ઉંમર, અંગ્રેજી ભાષાની નિપુણતા, કામનો અનુભવ અને શિક્ષણ જેવા પરિબળોના આધારે તમારી યોગ્યતા નક્કી કરવા માટે થાય છે.

English summary

NRI News: Now Indians can easily get work visa in Australia, know Australia Temporary Work Visa