બાંગ્લાદેશ, કેનેડામાં હિંદુઓ સામેની હિંસા વિરુદ્ધ સિલિકોન વેલીમાં NRIs ની રેલી

સિલિકોન વેલીમાં ભારતીય અમેરિકનોએ તાજેતરમાં કેનેડા અને બાંગ્લાદેશમાં હિંસાનો સામનો કરી રહેલા હિંદુઓ સાથે એકતા વ્યક્ત કરવા માટે રેલીનું આયોજન કર્યું હતું. મિલ્પીટાસ સિટી હોલ ખાતે યોજાયેલ આ કાર્યક્રમમાં અગ્રણી સમુદાયના નેતાઓએ યુ.એસ.ના અધિકારીઓને માનવાધિકારના ઉલ્લંઘનની નિંદા કરવા અને હિન્દુ લઘુમતીઓની સુરક્ષા માટે કેનેડા અને બાંગ્લાદેશની સરકારોને જવાબદાર ઠેરવવા વિનંતી કરી હતી.

રેલીમાં ભાગ લેનારાઓએ "ખાલિસ્તાની આતંકવાદ બંધ કરો, કેનેડિયન-હિંદુઓને સુરક્ષિત કરો" અને "ઇસ્લામિક આતંકવાદ બંધ કરો, બાંગ્લાદેશી-હિંદુઓને સુરક્ષિત કરો" જેવા સૂત્રોચ્ચાર કર્યા હતા. ઉલ્લેખનીય છે કે Bay Area માં 200,000 થી વધુ ભારતીય અમેરિકનોનું ઘર છે

અહેવાલો દર્શાવે છે કે ખાલિસ્તાની જૂથોએ દિવાળીની ઉજવણી દરમિયાન મંદિર પરિસરમાં આક્રમણ કર્યું હતું, પુરુષો, સ્ત્રીઓ અને બાળકો પર હુમલો કર્યો હતો. ખાલિસ્તાની સમર્થકો સાથે પોલીસની સંડોવણી અંગે ચિંતા વ્યક્ત કરવામાં આવી હતી, જેના કારણે પરિસ્થિતિ વધુ વણસી હતી. રેલીના સહભાગીઓએ કેનેડિયન હિંદુઓના અધિકારોનું રક્ષણ કરવાની કેનેડિયન સરકારની ક્ષમતામાં વિશ્વાસ ગુમાવ્યો હતો.

અમેરિકન્સ ફોર હિંદુઓ અંતર્ગત ડો. રમેશ જાપરાએ કેનેડામાં ખાલિસ્તાનીઓ અને બાંગ્લાદેશમાં કટ્ટરપંથી જૂથો દ્વારા હુમલાની નિંદા કરી હતી. તેમણે નિવેદન સાથે એકતા પર ભાર મૂક્યો હતો, "આપણે એક વિશ્વ, એક પરિવાર, એક ભવિષ્ય છીએ." ઉત્તર અમેરિકામાં હિંદુઓના ગઠબંધન (CoHNA) ના પુષ્પિતા પ્રસાદે ભારતમાં પ્રતિબંધિત પરંતુ યુએસ અને કેનેડામાં સક્રિય સંસ્થા શીખ ફોર જસ્ટિસ દ્વારા તેમની ટીમને નિશાન બનાવવા અંગેની ચિંતાઓ દર્શાવી હતી.