Asian Games 2023 Match Today: એશિયન ગેમ્સમાં આજે કોની મેચ છે, જાણો ટીમ ઈન્ડિયાનુ આખુ શિડ્યુલ

Asian Games 2023: એશિયન ગેમ્સમાં આજે 21મી સપ્ટેમ્બરે ભારતીય મહિલા ક્રિકેટ ટીમની મેચ છે. આ સિવાય ફૂટબોલમાં પુરુષ અને મહિલા ટીમો જીતની આશા સાથે મેદાનમાં ઉતરશે. ભારતીય ખેલાડીઓ પણ રોઇંગ અને સેલિંગમાં પોતાની તાકાત બતાવવા માટે તૈયાર છે.

એશિયન ગેમ્સમાં ભારતીય મહિલા ક્રિકેટ ટીમના અભિયાનની શરૂઆત ક્વાર્ટર ફાઈનલમાં મલેશિયા સામેની મેચ સાથે થઈ છે. ભારત, પાકિસ્તાન, શ્રીલંકા અને બાંગ્લાદેશની ટીમોને સીધી ક્વાર્ટર ફાઈનલ રમવાની તક આપવામાં આવી છે.

સ્મૃતિ મંધાના ભારતીય મહિલા ક્રિકેટ ટીમની કેપ્ટન હરમનપ્રીત કૌર પર બે મેચનો પ્રતિબંધ હોવાના કારણે ટીમનું સંચાલન કરી રહી છે. એશિયન ગેમ્સના ઈતિહાસમાં ભારતની આ પ્રથમ મેચ છે.

એશિયન ગેમ્સ ચીનના હાંગઝોઉ શહેરમાં 23 સપ્ટેમ્બરથી 8 ઓક્ટોબર સુધી યોજાવાની છે, પરંતુ મહિલા ક્રિકેટ સહિત અનેક ઈવેન્ટની ક્વોલિફાયર મેચો પહેલાથી જ રમાઈ રહી છે. આ જ કારણ છે કે ટીમ ઈન્ડિયા સીધી ક્વાર્ટર ફાઈનલમાં રમી રહી છે. મહિલા ક્રિકેટની ફાઇનલ મેચ 25 સપ્ટેમ્બરે યોજાશે.

ભારતીય પુરૂષ ફૂટબોલ ટીમ બાંગ્લાદેશ સામે ટકરાશે જ્યારે મહિલા ટીમનો સામનો ચાઈનીઝ તાઈપેઈ સામે થશે. મેન્સ ટીમની બીજી ગ્રુપ સ્ટેજની મેચ ભારત અને બાંગ્લાદેશ વચ્ચે બપોરે 1.30 વાગ્યાથી રમાશે, જ્યારે મહિલા ટીમની પ્રથમ ગ્રુપ સ્ટેજની મેચ સાંજે 5.00 વાગ્યાથી ભારત અને ચાઈનીઝ તાઈપેઈ વચ્ચે રમાશે. આજે સવારે 6.30 વાગ્યાથી ભારત અને મલેશિયા વચ્ચે મહિલા ક્રિકેટ ટીમની ક્વાર્ટર ફાઈનલ રમાઈ રહી છે.

એશિયન ગેમ્સ 2023 ક્રિકેટનું લાઈવ સ્ટ્રીમિંગ Sony Liv વેબસાઈટ અને એપ પર ઉપલબ્ધ રહેશે. એશિયન ગેમ્સ 2023નું સોની સ્પોર્ટ્સ નેટવર્ક ટીવી ચેનલો પર લાઈવ પ્રસારણ કરવામાં આવશે, જ્યાં ચાહકો આ મેચોને લાઈવ જોઈ શકશે.

English summary

Asian Games 2023: 21 September today's match is of Indian women cricket team.