Asian Para Games 2023: ભારતે રચ્યો ઈતિહાસ, ચીનના એશિયન પેરા ગેમ્સમાં 100 મેડલોનો આંકડો કર્યો પાર
Asian Para Games 2023: ભારતના પેરા-એથ્લેટ્સે શનિવારે હાંગઝોઉ પેરા એશિયન ગેમ્સમાં તેમનો 100મો મેડલ જીતીને ઈતિહાસ રચ્યો હતો. દિલીપ મહાદુ ગાવિતે ગોલ્ડ મેડલ મેળવીને આ માઈલસ્ટોન હાંસલ કર્યો હતો.
આ પહેલી વાર છે જ્યારે ભારતીય પેરા ટુકડી 100-મેડલના આંકડા સુધી પહોંચી છે. ભારતે 26 ગોલ્ડ, 29 સિલ્વર અને 45 બ્રોન્ઝ મેડલ જીત્યા છે. અગાઉ 2018માં ભારતે 15 ગોલ્ડ, 24 સિલ્વર અને 33 બ્રોન્ઝ સહિત 72 મેડલ જીત્યા હતા.
વડા પ્રધાન નરેન્દ્ર મોદીએ એક્સ પર અભિનંદન પાઠવતા લખ્યું કે, "આ સફળતા આપણા ખેલાડીઓની પ્રતિભા, સખત મહેનત અને સંકલ્પનું પરિણામ છે. આ નોંધપાત્ર માઇલસ્ટોન હૃદયને અપાર ગર્વથી ભરી દે છે. હું આપણા અતુલ્ય એથ્લેટ્સ, કોચ અને તેમની સાથે કામ કરી રહેલા સમગ્ર સપોર્ટ સિસ્ટમ માટે મારી ઊંડી પ્રશંસા અને કૃતજ્ઞતા વ્યક્ત કરું છું."
Click it and Unblock the Notifications
Sign in with Google
